Racom Maubisse (21/09/2023) Forum ONG Timor-Leste (FONGTIL) konsidera Nunu Governu liu husi Ministériu Justisa la kumpri ninia promesa tamba extende tan ona loron Kardeneta Pasporte foun tó iha Timor-Leste.
Direktur Ezekutiva FONGTIL Valentim da Costa Pinto hateten;
“Informasaun loron hirak ba kotuk Konsellu Ministru Extende tan ona kona-ba periodu Karneta foun ne’e atu mai tó iha ita nia Rai. Premeiru ita senti tristi tamba Kardeneta ida ne’e iha fulan barak ona hahú kedan husi Governu anterior mai tó ohin ne’e, ita husu tamba iha ita nia sidadaun barak ne’ebé iha nesasidade atu ba halo tratamantu Saúde ba Rai Liur ne’ebé ke presija Pasaporte laiha, ita nia oan sira ne’ebé presija atu ba kuntinua sira nia estudu iha Rai Liur Pasaprte laiha, maluk sira ne’ebé ba buka servisu iha Rai Liur sira labele ba tamba laiha Pasaporte ne’ebé ami senti hanesan tristi itoan tamba Governu kuntinua la kumpri nia promesa katak Pasaporte ne’e sei to mai iha fim de fulan ida ne’e maibe Konsellu Ministru Extende tan ona ne’ebé ita la serteja katak karderna foun ida ne’e to iha Timor bainhira. Tamba ne’e ami husu tebes ba Ministériu Justisa tenki halo duni esersisiu ida ne’ebé ke seriu para it abele serteja ida ne’e tó mai timor ne’e bainhira.” Hateten Direktur Ezekutivu FONGTIL ba Jornalista RKMM hafoin termina formasaun loron 4 ba Organizasaun Sosiedade Sivil COVAMA iha Maubisse Munisípiu Ainaro 21/09/2023.
Valentim kuntinua hatutan FONGTIL sei marka audensia Ministru Justisa atu bele hare kona-ba prokupasaun ne’e.
“Advokasia balun ne’ebé ami hanoin maka atu halo karta audensia ruma ho Ministru de Justisa atu bele hare sa estratejia maka nia sei halo kona-ba demanda ida ne’e tamba ida ne’e urjenti tamba ida ne’e laiha ita labele halo viagen tuir nesasidades ne’ebé ke iha. Seluk husi ne’e maka ami sei kolia dala ida tan ho Ministru bele halo karta ruma ba ita nia Premeiru Ministru para bele hare katak assuntu ida ne’e imprtante atu ajuda diak liu tan ita nia sidadaun sira nia nesasidade.” Hakotu Valentim da Costa Pinto Direktur Ezekutivu FONGTIL.
Jornalista Moises Magno
Editor Joaquim Coutinho
