Maubisse (19/08/2023) Relasiona ho aktividade abertura ba treinamentu Organizasaun Arte Marsiais Kmanek Oan Rai Klaran (KORK), ne’ebé realija Sabadu ne’e iha Ranting Urahou Postu Maubisse partisipa direita husi Responsabel Organizasaun Arte Marsiais Persaudaraan Setia Hati Terate (PSHT) Kera Sakti Timor Leste (IKS PTL) , hamutuk ho Autoridade Lokal, Komuntaria, autoridade Seguransa no Komisaun reguladora Arte Marsiais Munisípiu Ainaro (KRAM).

Alem de Seremonia abertura ne’ebé ho tema “Hakmatek Mai Husi Paz No Dame” ne’e iha Maubisse Marka mós Prezensa husi  Mestre bót Organizasaun KORK  Timor Leste José do Santos “Naimori Bucar”.

Iha abrtura Administrador Postu Maubisse Claudino Mendonç ba Responsabel Arte Marsiais iha Postu Administrativu Maubisse nia husu presija kria domin ba malun no kosidera malu hanesan ema ida deit núne’e kontribui ba Paz ho Estabilidade, hodi garante dezemvolvementu lao diak iha Timor-Leste espesial ba Postu Administrativu Maubisse Munisípiu Ainaro.

“Nasaaun RDTL nia dezenvolvimentu hotu atu lao ba oin konta ho ita hotu tanba ita nia nasaun presija tebes imi no hein hela imi tau iha ulun, todan karik tau mai kabaas tanba ita hotu assume hela responsabilidade bot atu lori nasaun nee ba oin liuhusi prosesu dezenvolvimentu. Tamba ne’e Maubisse atu lao ba oin respeita malu hadomi malu no konsidera malu  nee mak inportante,  organizasaun hot-hotu iha Postu Administrativu Maubisse nee hanesan povu maubisse nia riku soin entaun hakribi konflitu para Maubissse nia diak no furak iha ema Maubisse oan hotu nia liman” Dehan Administrador Postu Administrativu Maubisse 19/08/2023.

Tempu no fatin hanesan Dirkursu Responsabel másimu Organizasaun Arte Marsiais Kmanek Oan Rai Klaran (KORK) José do Santos “Naimori Bucar” hateten agradese ba Governu da Walu ne’ebé maka reativa ona Organizasaun Arte Marsiais iha Timor-Leste. Núne’e ba mebru sira nia husu involve iha Treinu atu salva-an, tamba ne’e ne’e presija atu respita malu no hadomi malu sai ema ida deit.

“Primeiru hau agaradese ba  Nuno Governu fó oputunidade nafatin mai ita iha h Timor- Leste nebe kiik maibe ema iha preparasun nebe diak atu apoiu arte marsiais. Iha tempu ida Estadu presija atu ba Polisia, F-FDTL,  ba Australia no iha nebe deit ema hotu prepara-an liu husi arte marsiais. Arte marsiais mos atu asegura ema ida-idak nia ann iha kualker tempu ba ema sira nebe karik iha hanoin at mai ita no naok ita nia sasan no buat ruma karik kona ita nia-an no ita uza salva ita nia-an sai hanesan seguransa ida ba ita” Diskursu Mestre KORK iha Maubisse.

Naimori Bucar Kuntinu esplika liu tan katak;

“Ohin hau koalia iha fatin nee hanesan mestri bót KORK  nian maibe aban hau hatais baibain hanesan povu Timor-Leste maibe ita tenki reispeita malu no hanoin ida deit ho sentido estadu atu dezenvolve rai nee ba povu nia moris diak maka buat ida hakmatek”. Hakotu Mestre bót ba Organizasaun Arte Marsiais Kmanek Oan Rai Klaran (KORK)

Iha Fatin Hanesan  Komandante Polisia Nasional Timor-Leste Esquadra Maubisse Adolfo Brandão Mota Agradese Ba Organizasaun Arte Marsiais no Rituais sira iha Maubisse,  tamba Kontrbui ba Paz Durante ne’e, liu-liu iha  Eleisaun Presidesial ho Parlamentar ne’ebé liu ona no durante ne’e seidauk  Rejistu Kazu Ruma Konaba Organizasaun Arte Marsiais Inklui Arte Rituais Hotu Iha Postu Administrativu Maubisse.

“Hau Hanesan Komandanter Nunka Rejistu Kazu Ruma Konaba Organizasaun Tolu Nee Inklui Arte Rituais Hotu Iha Postu Administrativu  Maubisse Tanba Bele Serbisu Hamutuk Ho Hau Ho Menbru Sira Tomak” Hateten Afolfo Brandão Mota

Autoridade Seguransa ne’e mós kuntinua ható ninia garadesementu  ba Responsabel Organizasaun  hotu inklui Arte Rituasi sira iha Maubisse tamba  bele kordena servisu ba malun liga ba seguransa ninian iha Postu Administrativu Maubisse.

“Foin daudauk PSHT gradua iha Ainaro hau sempre kopera ho kordenador  organizasaun hotu hodi lao tuir regra ba ema seluk nia atividade no sira hotu kumpri no konsege lao hakmatek tebes. Maubisse hau nudar komandante iha buat balun deit mak halao iha Maubisse hakmatek  tanba hau garanti paz no estabilidade parte ida hau halo kordenasaun entere lider sira hotu Arte Marsiais sira hotu ,paerte daruak hau halo komunikasaun ho parte hot-hotu tantu lider Partido Polítiku tanba hau uza hau nia moto katak  laos Polisia mak halo hakmatek maibe ema hotu mak serbisu hamutuk maka  halo Maubisse hakmatek”.Hakotu Adolfo Komandante PNTL Esquadra Maubisse.

Entretantu atividade abertura ne’e iha Maubisse partisipa husi  Komanadante  PNTL Maubisse , Autoridade Lokal no Komunitaria,  Responsabel  organizasaun PSHT IKS PTL no Arte Rituais sira hotu iha Postu Administrativu Maubisse Munisípiu Ainaro.

Jornalista                     Natalino Mendonça

Editór                          Moises Magno