Racom Maubisse (12/08/2023) Sabadu fim de Semana Ne’e iha Salaun Sara Maubisse Maubisse, Ekipa Camara de Comercio e Industria de Timor Leste CCI-TL Munisípiu Ainaro realija Enkontru dahuluk nian.

Objetivu husi surumutuk ida ne’e diskuti planu no  Estrutuktura CCI Munisipiu Ainaro nian ne’ebé sei hetan Posse iha Fulan Oin iha Salaun Paroquial Ingreja Imaculado Coração de Maria Maubisse Munisípiu Ainaro.

Ba Radiu Komunidade Maubisse Mau-Loko, Prezidente Asembleia Jeral CCI Munisípiu Ainaro Eduardo Mendonça konfirma surumutuk ne’ebé halao dadaun ne’e prepara ba Seremonia tomada de Posse ba Membru Estruktura CCI Ainaro nian.

“Objetivu reuniaun ida ohin ne’e preparasaun ba iha tomada de posse ba Estruktura CCI Munisípiu Ainaro. Tamba Prezidente simu tia ona posse iha inisiu ne’ebé maka kongresu maibe kona-ba Estruktura  foin maka atu prepara hodi simu tomada de posse iha fulan Setembru ne’e. Partisipantes husi Enkontru ida ne’e mai husi Hato-Builiku, Ainaro, Hato-Udo maka la mai tamba dok, Maubisse sira nia partisipasaun másimu iha ne’e.” Hateten  Prezidente Asembleia Jeral CCI Munisípiu Ainaro Eduardo Mendonça 12/08/2023.

Entertantu Tuir Planu Seremonia Toma Posse ne’e sei realija iha Semana da ruak Fulan Setembru iha Salaun Paroquial Maubisse.

Jornalista                     Moises Magno

Editór                          Joaquim Coutinho