Racom Maubisse (01/07/2023)  IX Governu Konstitusional Lideradu husi Premeiru-Ministru (PM), Kay Rala  Xanana Gusmão hateten, atu kumpri ba manadatu ne’ebe povu fó ba IX Governu Konstitusional iha kompremisiu 17 maka sei implementa  iha mandatu dahuluk nian dirante fulan 12. No Kompremisiu ida maka, Karia no apoiu asosiasaun arte no kultura ho nia objetivu maka atu afirma identidade Timor-Oan  nian ba iha forum Internasiona.

Maibe kompremisiu dahuluk ne’ebe aprejenta husi Xefe Govrnu Kay Rala Xanana Gusmão liu husi nini diskrsu maka implementa reforma iha setór Justisa liu husi formasaun ho kualidade ba Juis no Prokurador. Tuir kedan ida ne’e maka halo revizaun ba planu Estratéjiku Dezemvementu tinan 2011-2030.

“Atu kumpri mandatu ne’ebé povu fó IX Governu sei iha kompremisius ne’ebé tuir mai ba fulan 12 dahuluk iha ninia Governasaun Implementa  reforma iha setór justisa hosi kria Supremu Tribunál Justísa no husi formasaun, ho kualidade ba juis no prokurador. Halo revizaun ba planu Estratéjiku Dezemvolvementu 2011-2030 hodi adekua ba sirkuntasia ka situasaun agora iha pais. Hahu Prosesu atu dezemvolve Kosta Sul, garante katak kadoras atu explora Greater Sunrise mai duni  Timor-Leste. Finaliza ka hakotu núdar prioridade nasionál fronteira terstre no maritima ho Indonezia. Hahú ho prosesu ba podér lokál liu husi desentralizasaun Governu no asembleia Munisípál ne’ebé sei fazeadu, depois kria tiha kondisaun infrantruturas no téknika iha fatin sira ne’e. Kria Komisaun kórdenadora husi Universidade no Instituisaun Superior atu estuda estratéjia koletiva ida kona-ba implementasaun ba objetivu atu hasa’e kualidade ensinu.” Hateten Liu husi Diskursu Xefe Governu Kay Rala Xanana Gusmão iha Palasiu Prezidente Aitarak Laran Dili Timor Leste 01/07/2023.

Governasaun da sia mós sei tau Prioridade ba Ferik no Katuas sira, Tamba  Xefe Governu ne’e kosidera Sira maka sai núdér eroi nasional ba rai ida ne’e.

“Haré fali lei asistensia idozu no invalidéz atu estadu bele tau no konta katak sira ne’eb’e temi núdar idozu, sira maka tenki konsidera núdar eroi nasionál lolós, tamba kamada populasaun ida ne’eb’e maka terus buat oi-oin iha funu laran, ameasa oi-oin no moras tebes tamba lakon sira nia familia, maibe sira la hakiduk no infrenta buat hotu hodi disidi ba vota iha fulan Agostu tinan 1.999 ba indepedensia”. Dehan Xanana.

Premeiru Ministru (PM) Kay Rala Xanana Gusmão liu husi nia diskursu kuntinua hateten;

“Kria no apoiu asosiasaun arte no kultura Timorense atu enkoraja joven sira ho talentu oi-oin ba arte no kultura ho objetivu atu afirma identidade Timor-Oan no atu lori ba forum internasionál”.

Entertantu Programa Prioridade ba IX Governu Konstitusional durante fulan 12 hamutuk 17.

Jornalista                     Moises Magno

Editór                          Joaquim Coutinho