Maubisse (04/07/2023) Ho Udan ne’ebé akontese iha Sabadu Kalan to mai iha Tersa feira loron 04 Fulan Jullu 2023 iha Maubisse Munisípiu afeita ba Estrada Lehulolo Suku Aituto Maubisse Liga Munisípiu Manufahi Kontu totál. Laós ida ne’e deit Maibe uma komunidade nian no rin linha Eletrisidade Ligasaun husi Krujamentu Felcha ba tó iha area Lehulolo hetan estragus total.
Ho kondisaun ne’e Rezidente Aldeia Airaka-Lau Suku Aitutu Postu Administrativu Maubisse Munisípiu Ainaro, Francisca Mendonça ho Izadoro Paicheco da Costa, husu Governu liu husi Ministériu Kompetenete urjentemente tau atensaun lalais ba kondisaun ne’e núne’e hodi fasilita movimentasaun transporte ba no mai, liu-liu bele fasilita estudante sira ne’ebé hela iha parte sorin bele asesu mai iha Eskola Ensinu Básiku Central (EBC sigla Postugés) Flecha.
“Ami Povu husi Aldeia Airaka-Lau ne’e Presija tebes Estrada ida ne’e atu asesu ba no mai liu husi ne’e, tamba ne’e urjentimente ami husu ba Governu sira tenki tau matan lalais, tamba ne’e Estrada publiku, agora se hanesan ne’e hela ami povu sira ne’e atu lori deit produtu ba fan iha Merkadu Same mós la diak, husi Same mai fali mós la diak, tamba ne’e maka ami husu Governu tenki tau matan lalais ba Estrada ida ne’e.” Hateten Fracisca ba Jornalista Radiu Komunidade Maubisse Mau-Loko Tersa ne’e 04/07/2023.
Iha Fatin hanesan Izadoro Paicheco da Costa hateten;
“Ami so husu ba Governu deit tamba dalan ida ne’e dalan publiku, tamba estudante sira ne’ebé maka hela iha parte sorin labele asesu ba iha eskola tamba ita hare katak kondisaun ne’e ema lao ain deit mós labele liu duni husi ne’e. Ne’ebé hau senti ida ne’e fó impaktu mós ba ema ne’ebé ba fan sasan iha Merkadu mós la diak, tamba winhira hanesan ne’e hela sira atu ba no mai halo aktividade negosiu nian mós la diak, ne’ebé Favor bót ida ami husu ba Governu tenki tau matan lalais.” Husu Komunidade ne’e.
Entertantu tuir Observasaun Estrada ne’ebé maka kotu dadaun ne’e fo impaktu mós ba iha instalasaun linha eletrisidade iha area ne’eba tamba besi rin no fiu sira taka no hakoi husi rai, inklui uma komunidade nian balu no uma Naroman ba Povu (UNP) foin remata nia konstrusaun hetan ameasa mós husi Inudasaun Rai Halai.
Jornalista Moises Magno
