Racom Maubisse 06/06/2023, edukasaun mak save ba dezemvolvimentu nasional, laiha edukasaun seitor hotu sai paradu, tamba konhecimentu siensia konaba area hotu mai husi edukasaun, relasiona ho situasaun ne’ebe mak Manorin Nain, Inan Aman No Alunus Sira infrenta Iha Aldeia Urahou Suko Maubisse Villa konaba kondisaun escolar nian, maka komunidade hamutuk ho manorin nain sira inklui alunus Husu Ministeriu da Edukasaun Tau Matan Ba Eskola Paralelo I Kamlai Rebou-Telu Maubisse, ne’ebe to’o oras ne’e parte edukasaun abandona no la tau prioridade.
Ba Jornalista Radio Komunidade Maubisse Mauloko, Manorin nain Olandina de Araujo Lopes Haktuir Katak; Eskola ida nee inan aman mak iha inisiativa ba loke depois hau mai iha nee hodi hanorin deit nebe hau laiha problema ho inan aman ka komunidade rasik, maibe fallansu uituan tanba laiha rekoinesementu husi edukasaun munisipiu ho komunidade sira entau foin lalais nee ami diskute ona iha edukasaun munisipiu ainaro no eskola nee legal ona ho naran eskola ensino baziku paralelo I kamlai rebou-telo maubisse.
Tamba ne’e, hau simu karta husi edukasaun munisipiu Ainaro atu transfere hau ba Edi maibe labele tanba haree ba kiik oan sira nia futuru ba oin oinsa, entaun hau laos depende ba hau nia an ou serbisu maibe depende ba kiik oan sira nia futuru maka hau la konsege trnasferensia, nebe iha duni solusaun katak hetan aprovasaun ba eskola refere iha semana liu ba iha loron sexta.
Ohin diretor eduksaun munisipiu ainaro atu mai vizita no haree preokupasaun inan aman no haree direita eskola paralelo I kamlai rebou-telo maubisse hodi haree direita edifisiu no mobiliariu tanba estudante hamutuk 89 feto 40 no mane 49 maibe professor hau mesak deit diretivu la konsege tanba vizita eskola ida iha maulau nebe hau fiar katak iha loron ida sei tuun mai vizita.
Hau nia esperansa ba futuru eskola nee tenki lao ba oin mesmu hasoru preokupasaun hanesan edifisiu, meza, kadeira, xis no seluk tan, maibe hau fiar tanba agora nia hetan ona legalidade husi edukasaun munisipiu Ainaro iha semana liu ba, etaun sedu ka tarde tenki hetan edififiu diak ida atu nunee kiik oan sira bele hetan edukasaun nebe diak hanesan eskola sira seluk.
Iha fatin hanesan reprezentante inan aman Jose da Costa hateten razaun ami inisiativa loke eskola nee tanba dook husi Estrada no labarik sira kiik oan no labele asesu ba maubisse villa. Ami husi komunidade Aldeia Urahou Suku Maubisse Villa, iha eskola nee hetan estudante 89 entaun ami inan aman hamutuk loke eskola nee nunee ami nia oan sira bele escolar, tanba durante nee ami nia ona maioria nebe sira ho idade kiik sira ba too maubisse villa araska uituan tanba udan boot mai Estrada mos att depois karreta deit mos halai araska.
Relasiona ho situasaun ne’e, Nia parte agaradese ba professora ne’ebe durante ne’e tau matan ona ba ami nia oan sira tanba dala barak ema balu dehan eskola nee illegal no professora bosok tanba nee mak hanesan inan aman husu hakraik-an ba governu atu tau matan ba eskola nee liuliu Estrada atu nunee labarik sira bele asesu ba edukasaun nebe diak no dignu.
Jornalista : Natalino Mendonca
Editor : Joaquim de Fatima
