Racom Maubisse 16/06/2023) Inaugura Kapela Quiricoli Manetu Sua Eminencia dom Virgilio Cardeal do Carmo da Silva  SDB. Fó Krisma ba Krismandu hamutuk 223 (Atus Rua Rua Nulu Resin Tolu),  iha kapela São Mateus Quiricoli Suku Manetu Posto Maubisse Munisipiu Ainaro.

Sua Eminencia dom Virgilio Cardeal do Carmo da Silva  SDB,  liu husi  homila  iha Missa ba krimandu sira hateten, husu ba krimandu sira nebe simu ona sakramentu krima atu laran mos ho maromak no laran mos ho ita nia belun sira ne’ebé habelun malu ho ita inklui sosiadade sira nebe ita hela hamutuk.

Tamba Nai Maromak nia dutrina hanorin ba ita hotu katak ita ema nia isin templu ispiritu santo tamba ne’e nia husu nafatin ba sarani no krismando sira iha Suku Manetu atu hadomi ita nia isin nune ema seluk mos bele hadomi ita nia isin.

“Ohin ba imi ne’ebé atu simu dadaun Espiritu Santu alin doben sira hanesan loron ida importante ba imi atu husu ba Maromak Grasa ida ne’e atu hatene hamtauk Maromak laós tauk maibe hamtauk. Aprende atu tau Maromak iha nia fatin, aprende atu hahi Maromak, aprende atu agradese Maromak aprende atu buka Maromak iha ita nia susar no ita nia ksolok ne’e duni ita ema ne’e bele konfu malu maibe ho Maromak nungka konfu ema, ita maka konfu Maromak ne’e iha maibe Maromak nungka fila kotuk ba ita.” Dehan Premeiru Cardeal Timor Leste Iha Kapela Quiricoli ba Krismandu sira 16/06/2023.

Sua Emenincia Dom Virgilio Cardeal do Carmo da Silva ba sarani haklaken liu tan katak, liu husi sakaramentu Krisma atu renova ita nia fiar ba iha Nai Maromak espesial ba sarani Quiricoli Suku Manetu Maubisse.  Nune’e mós ba foinsae sira Lider Igreja Katólika ne’e husu;

“O Furak ka la furak, o bonito ka la bonita ita idak-idak lori saida? Ita lori Ilhas Maromak nian ne’e duni atu dehan katak ema hotu ne’e diak laiha ema ida ne’ebé la diak, makske o hare o nia oin iha espelu o nia inus belar maibe o tenki banga tamba hanesan ne’e mós Ilhas Nai Maromak ninian tamba Maromak hadomi hau ne’e maka hau moris entaun ita idak-idak lori Ilhas Maromak ninian tan ne’e hanesan dutrina hanorin  ita katak ita ema nia isin templu Espiritu Santu nia horik fatin Maromak ninian. Se horik fatin Maromak ninian hau tenki respeita Maromak Nia horik fatin, hau tenki respeitu hau nia isin, hadomi hau nia isin atu núne’e ema seluk mós bele hatene hadomi no respeita hau nia isin, se hau la hadomi hau nia isin la respeitu hau nia isin se maka bele respeitu hau, se maka bele hadomi hau se hau rasik la respeita hau nia isin.” Hateten Cardeal

Tamba ne’e orasaun importante ba ema idak-idak nia moris basa ho orasaun deit maka bele hetan Nai Maromak Nia Espiritu Domin nian.

“Ne’e maka ita nia moris ne’e orasaun ne’e importante mós tenki husu Espiritu Santu atu hetan jodo ida ne’ebé diak tamba ne’e orsaun ne’e importante tebes atu hanorin ita respeita malu. Hadomi malu, ita tau buat sira ne’e hotu husik Maromak  hola parte iha ita nia vida. Ita dala barak ne’e prpkupa ho buat barak ita haluhan tia katak ikus mai ita nia distinu ne’e iha buat ida deit nia liman maka Maromak Nia Liman tan ne’e husi kík kedas ita tenki aprende hadomi Maromak.” Hakotu   Sua Emenincia Dom Virgilio Cardeal do Carmo da Silva SDB.

Entertatu Krismandu  ne’ebé simu ona sakramentu Krisma iha  kapela São Mateus Quiricoli Suku Manetu Posto Maubisse Munisípio Ainaro hamutuk krismandu atus rua rua nulu resin tolu (223)

Jornalista         Moises Magno

Editór              Joaquim Coutinho