Racom Maubisse (15/06/2023) Hamutuk Haforsa Ekonomia Hahú Husi Baze, Plan Servisu Hamutuk SEKOOP Estabelese Tan Grupu Kóperativa 3 Iha Munisípiu Ainaro.
Plan Internasional Servisu hamutuk ho VIII Governu Konstitusional, Liu husi Sekretária Estadu Kóperativa fo posse ba estruktura Kóperativa Kredit Union & Multi Sektoral, ho tema “Hamutuk Haforsa Ita Nia Ekonomia Hahú Husi Baze” iha Munisípiu Ainaro Kinta Feira ne’e.
Estabelesementu Kóperativa ne’e hanesan esforsu kolaborativu entre Plan Internasional, ho Governu Timor Leste Liu husi Sekretária Estadu Kóperativa (SEKOOP) ho membru Komunidade (rai no impresta).
Alem de objetivu husi estabelesementu Kóperativa atu bele halo difirensa siknifikativu iha Komunidade sira nia moris no kria komunidade ne’ebé forte no prosperu liu tan ba ema hotu hodi bele kontribui ba prosesu dezemvolvementu Nasional iha seitór hotu-hotu.
Hafoin de Posse ba Jornalista RKMM Sekretáriu Estadu Kooperativa (SEKOOP) Elizário Ferreira Kinta Feira liu husi intervista hateten, estabelesementu Kóperativa ne’e iha Munisípiu Ainaro ne’e tamba kopera hamutuk ho Plan Internasional.
“Hau nia prezensa iha ne’e ho nia objetivu prinsipal tamba ho programa ida estabelesementu Kóperativa ne’e kopera ho Plan Internasional hodi fó Tomada de Posse ba Kóperativa 3, siknifika katak Kóperativu ne’ebé maka sai intermidiariu ba asesu finanseiru ba ita nia komunidade ne’ebé kbít la dun iha liu-liu ba asesu finansieru atu núne’e sira bele iha kapital finanseiru hodi halao atividade produtivu sira iha nivel baze tamba maka ohin hau nia prezensa iha ne’e hodi fó rekuiñesementu ba sira nia prezensa tamba prinsipiu Kóperativa maka ne’e inisiativa mai husi komunidade no hetan rekuiñesementu husi parte Etadu nian atu bele akompaña, supervisiona, atu Kóperativa ne’e bele sustentavel hodi asegura bem estár ba sosiadade no membru Kóperativa sira.” Tenik Sekretáriu Estadu Kooperativa (SEKOOP) ba Jornalista 15/06/2023.
Alem de ida ne’e liu husi koperasaun ida ne’e SEKOOP nia kontribuisaun maka hanesan orienta formadores sira halao formasaun premanente ba ejistensia Kóperativa iha prejente no futuru.
Tuir Country Direktora Interina Plan Internasional iha Timor-Leste, Fátima Estrela Soares fundamenta;
“Plan Internasional nia programa foku bót ida maka empoderamentu ekonimia iha baze liu-liu ba empoderamentu ekonomia feto no foinsa’e sira. Kada tinan uja ami nia fundus rasik ami aloka $.200.000 ba iha implemetasaun empoderamentu ekonomia. Alem de ida ne’e husi fundus husi Governu Australia liu husi DIFAT ita aloka $.260.000 kada tinan iha Aleu no Ainaro.” Esplika Cantry Direktora Interina Plan Internasional iha Timor-Leste.
No liu husi programa ida ne’e atu hasa’e seguransa ekonomia ba iha komunidade liu-liu ba feto no foinsa’e sira.
Tamba ne’e ho fundus sira ne’ebé maka mesiona dadaun ne’e la intrega direita ba iha komunidade no grupu Kóperativa sira, maibe liu husi aktividade formasaun sira hodi hasa’e koiñesementu kona-ba jestaun finansas, no oinsa prosesu rai no impresta.
“Fundus ne’ebé maka kada tinan Plan aloka maibe lao fó direita ba komunidade ita lakohi eduka ho fundus ne’ebé maka iha maibe barak liu ita fasilita hasa’e kapasidade sira nian entermus de jestaun finansas, ida ne’e ita fasilita ba sira. No sira rasik maka investe, jere, no sira rasik benefisia fila fali husi ida ne’e. Tamba ne’e meus ne’ebé ita iha aloka orsamentu ne’e barak liu maka iha formasaun”. Dehan Cantry Direktora Interina Plan Internasional iha Timor-Leste.
Grupu sira ne’ebé tranforma ba Kóperativa iha Munisiu Aileu 34 no Ainaro grupu 9 maka transfere ba on aba Kóperativa.
Entertantu iha Munisípiu Ainaro maka hanesan, kóperativa Buka Rasik Osan (BRO), hamutuk ema 15, Kooperativa Loron Aban Hahú Ohin (LAHO) ema 15 no Kooperativa Hadia Moris Ba Futuru (HMF) kompotu husi ema 16.
Jornalista Moises Magno
Editór Joaquim Coutinho
