Racom Maubisse (12/05/2023) Kompremisiu Poliítiku ne’e ható husi Prezidente Komisaun Polítika Nasional (CPN sigla Posrtugés) Partidu Demokrátiku (PD) Adriano do Nasimento “Loro-Mau” iha kampaña aberta ho tipu komisiu iha Kampu Futrból Munisípiu Ainaro Sexta ne’e.
Alem de ne’e PD manan sei hasa’e mós osan ba Ferik no Katuas ba Dolar 100.
“Ita sei hasa’e inan aman Ferik ho Katuas sira nia osan foin dadauk simu ona 50 dolar PD maka manan hasa’e tan ba 100 dolar. Laos ida ne’e deit se ita maka manan Xefe Suku no Xefe Aldeia sira ne’eb’e mandatu hotu ona ita sei fó osan Reintegrasaun husi 2.000 tó 5.000 dolar, tamba sira servisu tinan 5 nia laran kuandu sira sai sira tenki hetan osan itoan hodi bele hatutan moris.” Hateten Prezidente CPN Loro-Mau 12/05/2023.
Prezidente Komisaun Polítika Nasional Adriano do Nasimento “Loro-Mau hateten PD hetan vitoria iha elisaun ne’e maka sei maka hatun mós folin pasaporte, no folin masimidar inklui bebidas.
“Ida segundu programa mediatu ne’ebé ita atu halo maka PD manan ita ita sei hatun folin pasaporte nian, tamba foin dadauk folin sa’e ba 100 dolar, se ita maka manan hatun ida 100 dolar ba 50 dolar ida 50 dolar hatun ba 30 dolar hanesan uluk, atu povu iha kbít hodi goja sira nia Liberdade. Ita sei hatun tasa bajak ne’ebé folin sa’e, masimidar foli sa’e, Kokakola folin sa’e ita hatun kedan, liu husi saida, ita halo orsamentu ratifikativu iha Parlamentu Nasional depois ita halo revisaun ba artigu ne’ebé foin dadauk Governu aprova hodi hasa’e tasa tamba ne’e maka PD manan hatun folin sasan sira ne’e hotu.” Loro-Mau Kompromete.
Prezidente Partidu Demokrátiku Mariano Assanami Sabino kuntinua dehan PD hakarak mudansa, atu ema hotu hetan protesaun husi Estadu tantu nia kiak no riku.
“Ita hamutuk halo mudansa, tamba mudansa maka sai alvu prinsipal ita hakarak halo Timor ida ne’ebé ita senti nain, ita senti dignu, ita senti katak maske nia karau atan maske bibiatan maibe nia hetan protesaun husi Estadu. Labele joven balu mate iha iha fali sela Polisia laiha justisa. Ita labele iha fronteira ka iha fatin ruma ne’ebé maka ita la halo ona politik ba fronteira atu dehan loke merkadu la loke, tamba deit la halo Polítika ida ne’e ema hatama sigaru, ida ne’e hetan kastigu maske ida ne’e Lei maibe ida ne’e Politik maka la lós. Tamba politik ne’e atu fasilta no atu dignifika ninia ema laos husik ninia ema komete fali illegal iha ne’ebá, tamba ne’e maka Estadu iha laos deit ba kapitalista sira Estadu iha tamba Maubere tenki servi Maubere sai dignu iha ninia rai.” Hateten Mariano Assanami Sabino
Atividade Kampaña ne’e hetan Seguransa másimu husi PNTL Munisípiu observa husi observador Nasional no supervisiona husi Ekipa CNE Munisípiu Ainaro.
Entertantu Munisípiu Ainaro Kompostu husi Postu Administrativu 4, Suku 21, Aldeia 131. total Eleitóres ne’ebe maka sei Partisipa iha Elisaun Parlamentar loron 21 Fulan Maiu hamutk 46.908 (Rihun Ha’t Nolu Resin Nene Atus Sia Walu), Ho nia Centru Votasaun (CV) 90 (Sia Nolu) no Estasaun de Votu (EV) hamutuk 115 (Atus Ida Sanolu Resin Lima).
Jornalista Moises Magno
Editór Joaquim Coutinho
