Racom Maubisse (23/04/2023) Partidu Repúblikanu (PR) Domingo ne’e halao aktividade Kampaña Eleitoral ho tipu tama sai uma hodi fahe Brosura ba Militantes no Simpatizantes Partidu Repúblikanu iha Suku Foho Ailico Postu Administrativu Hato-Udo Munisípiu Ainaro.
Ba Militantes no Simpatizantes PR nian iha Hato-Udo Sekretária Jeral Interino Partidu Repúblikanu Venancio Sarmento espelika programa partidu nian ba Komunidade sira maka sei dada investor mai investe iha Rai laran husi nivel Nasional to rural hodi garante dezemvolvementu Seitór Ekonomia. Núne’e nia Konsidera Postu Administrativu Hato-Udo hanesan area ne’ebe maka potensial ba Seitór Pekuaria no Hortikultura.
“Programa prioridade ne’ebe ohin ita mai kolia iha ne’e maka oinsa maka atu dada Pipeline mai iha Timor núne’e bele fó servisu ba iha ita nia Joven sira oinsa maka atu hasa’e ekonomia iha rai laran ninian. Ita haré ba area sira ne’ebé maka iha ne’e potensial tebes ba oinsa maka hakiak animal, oinsa maka bele kuda modo ho diak. Entaun premeiru kria manufaktura iha ne’e ita fo investementu ne’ebé maka ho funan laiha ba investór sira.” Dehan Sekretariu Jeral Interinu PR iha Suku Foho Ailico Hato-Udo Munisípiu Ainaro 23/04/2023.
Lider Partidu Respúblikano ne’e kuntinnua reafirma liu tan katak sei lao tuir dalan ne’ebé maka Lider Nasional Kay Rala Xanana Gusmão halao ona kona-ba Negosiasaun Governnu Australia hodi dada Kadoras mai Timor Leste hodi kria kampu traballu ba Timor-oan sira.
“Ita nia Maun Bót Xanan Gusmão maka loke tia ona dalan ba iha ne’ebá ita lao tuir dalan ida ne’e oinsa maka halo Negosiasaun para dada Kadoras ne’e mai iha ne’e para loke servisu barak ba ita nia Populasaun. So ida ne’e maka bele kria Kampu de Traballu barak se kaundu fó fiar ba Partidu Repúblikanu ita negosiu ho Australia para dada Kadoras mai iha ne’e”.Afirma Venancio Sarmento.
Entertantu Kampaña PR ho tipu fahe Borosura ne’e iha Hato-Udo Ainaro lao ho diak tó remata no hetan Supervisaun husi Orgaun Eleitoral CNE.
Jornalista Moises da Silva Magno
Editór Joaquim Coutinho
