Racom Maubisse (18/04/2023) Tersa Feira foin dadaun ne’e Comiçao Nacional de Elições (Sigla Portuges) halao Edukasaun Sívika ho Tema Importante “Hametin Sentido de Pertense no Eleva Taxa Participasaun iha Eleisaun Parlamentar 2023”, ba Organizasaun Artemarsiais no Arterituais iha Munisípiu Ainaro.
Ba Radiu Komunidade Maubisse Mau-Loko Komisariu CNE destakadu Munisípiu Ainaro no Manufahi Alcino de Araújo Baris liu Husi intervista hateten;
“Ohin CNE kuntinua fahe informasaun ka desemina informasaun ruma relasionadu ho aktus Eleitorais ho Organizasaun Artemarsiais no Organizasaun Arteritual. Hanesan ita hatene katak iha Ainaro ne’e iha Organizasaun Artemarsiais no Arterituais ne’e barak i sira hola parte hanesan Eleitóres no la kleur tan sira mós involve iha Votasaun ami haré hanesan pertenente, atu fahe netik informasaun ruma ba sira para hatene oinsa maka núdar Eleitór hatene eserse nia direitu”. Dehan Komisariu CNE Alcino de Araújo Baris 18/04/2023.
Nia kuntinua fundamenta liu tan katak hanesan sidadaun iha diver no moral atu partisipa iha Elisaun, maibe ba dahuluk nian sira iha direitu atu hatene uluk antes fó sira nia Votu.
“Sira iha dever para atu partisipa mais direitu para hodi hatene uluk kona-ba sira nia partisipasaun rasik. Espera katak sira sei hatutan ba sira seluk bele garante susesu ba Elisaun Parlamentar liu-liu iha Munisípiu Ainaro”.
Fatin hanesan Prezidente Komisaun Reguladora Artemarsiais Sub Kram Munisípiu Ainaro, Marcelino Mendonca, ne’ebé participa iha aktividade Edukasaun Sívika ne’e hatutan liu tan katak;
“Objetivu prinsipal ohin surumutuk iha ne’e servisu hamutuk ho Orgaun Eleitoral CNE hodi prevene, no haré ba iha Krimi Eleitoral ne’ebe maka komesa ona tama ba iha prosesu Kampaña Eleitoral ba Elisaun Jeral 2023 ninian” Dehan Prezidente Sub Kram Munisípiu Ainaro.
Nia Kuntinua klarifika liu tan aktividade Edukasaun Sívika ida ne’e Importante tebes basa Krimi ne’ebe maka akontese la ses husi Organizasaun Artemarsiais no Arterituais.
“Hanesan ita hatene katak Krimi sira ne’ebe maka akontese la ses mós husi Organizasaun Artemarsiais no Arterituais. Tamba ita presija prevene deit durante ita nia kampaña durante fulan ida nia laran no atu tama iha Elisaun iha dia 21 de Maio buat hotu lao diak liu-liu iha Munisípiu Ainaro, liu-liu iha Teritoriu Nasional ita Promove Paz no dame hodi núne’e kontribui ba iha ita nia prosesu Eleitoral ida ne’e hodi ditermina distinu Nasaun Ninian ba tinan 5 ne’ebe maka mai fo opurtunidade ba Partidu Polítiku ida ne’ebe maka karik hetan maioria iha Elisaun Jeral ida ne’e hodi Forma Governo da 9 iha tinan 2023.” Dehan Marcelino Aktual Prezidente Sub Kram Munisípiu Ainaro.
Jornalista Moises da Silva Magno Editór Joaquim de Fátima Coutinho
