Racom Maubisse 09/04/2023 Kada tinan komunidade Maubisse, liu liu lia nain no be matan nain sira sempre halao serimonia kultural tun be matan, hanesan agradecimentu kultural ida ba be matan no aihun sira, tamba tuir lisan no tradisaun iha Maubisse katak, durante tinan tomak nain ba be matan no aihun sira uja be matan ba nececidade lor loron, nune’e depois de Pascua sira haliburan hodi hakat ba be matan no aihun sira bidu no tebe, hanesan agradecimentu ba natureza. Aktividade kultural ne’e laos foin mak akontese iha tempu ukun-an maibe desde kedas beiala sira nia tempu hatudu nanis hela mai to’o ohin loron. Tamba ne’e Presidente Kultura PICOMA Paulo Doutel Sarmento Husu Ba Entidade Hotu Atu Koopera Ho Lia Nain Sira Bainhira Halao Sermonia Kultural Tuun Bee Matan Iha Posto Maubisse.
Ba Radio Komunidade Maubisse Mauloko, liu husi avizu ne’ebe mak fo sai iha Paroquia Imaculado Coração de Maria Maubisse depois de Missa Domingo Resurisaun, Presidante Kultura Maubisse, Paulo Doutel Sarmentu hato’o katak;
“Husu Ba Inan Aman, Komunidade, Autoridade No Seguranasa Atu kopera Ho Lia nain Sira Bainhira Halao Seremonia Tun Bee Matan Iha Idak idak Nia Bee Matan Lulik, nunee perante serimonia kultural duramnte fulan ida ne’e bele lao ho diak, tamba ne’e Husu ba Autoridade Lokal, OPS, Kateqista, katak momentu komunidade ho lia nain sira tuun ba iha Bee Matan Aihun nee tenki serbisu hamutuk no koopera hamutuk para evita problema sira nebe karik sei akontese, no parte seluk mos fo hatene ba lian nain sira atu rekoinese bee matan sira no husu ba lia nain sira iha obrigasaun atu tun hamutuk iha bee matan ai hun atu nunee bee nain sira senti katak nain ba bee matan, e molok atu tun ba bee matan lia nain sira kordena ho autoridade nune’e evita problema”. Haktuir Paulo Doutel Sarmento
President kultura PICOMA ne’e mos mensiona bee matan lulik nebe maka lian nain sira sei tun maka hanesan;
“Bee Matan Raekoa-ulo, Bukana, Hatufae, Kalimau, Raerobu, Ermatu, Belabu, Mauhule,i atu komunidade sira konsumu bee bainhira bee matan nain sira ka lia nain sira tun ba ita nudar konsumidores hakbesik mos ba iha neba atu ita bele kopera hamutuk ho lia nain sira”.
Hanesan tinan sira ba kotuk kalan hamutuk iha uma kreda hafoin loron mak ida idak ba nia be matan, maibe tinan nee la konsege fo deit autorizasaun katak dia 09 de Abril hahu tuun ba bee matan too iha dia 29 lokraik maka hotu-hotu mai iha Uma Kreda nunee kalan toba hamutuk para domingo dia 30 hasae missa agradesementu liuhusi ofertoriu hanesan sakrifisiu ba Maromak.
Jornalista :Natalino Mendonca
Editor :Joaquim Coutinho
