Racom Maubisse, 30/03/2023 Koperativa Multi Sectoral Unidade Café Nain Maubisse (COCAMAU) Kinta Semana ne’e, halao pagamentu subsidiu poda café ba membro cooperative, no orsamentu ne’ebe maka COCAMAU halao pagamentu ba grupo Kooperativa ne’e mai husi Orsamentu ratifikativu, ne’ebe mak ofrece husi Oitavo Governu Konstitusional liu husi Ministeriu Agrikultura no Pescas, servisu hamutukho Assosiasaun Café Timor.
Ba jornalista Racom Maubisse Presidente COCAMAU Julio Mendeonça hateten katak orsamentu ne’ebe mak halao pagamentu ba kafe nain sira ne’ebe mak hamahan-an iha Koperativa Multi Sectoral Unidade Café Nain Maubisse (COCAMAU) mai husi Oitavo Governu Konstitusional, liu Husi Ministeriu Agrikultura no Pescas, koopera ho ACT depois ba fali iha koperatvbiva cocamau maka foi distribui ba grupo ida idak.
“Atividade ne’ebe mak ohin Cocamau halo iha ne’e pagamentu ba nia menbrus sira konaba orsamentu nebe apoiu husi Governu liu husi Ministeriu Agrikultura fo apoiu ba ACT ka Asosiasaun Café Timor depois ACT mos fo apoiu fali ba Koperativa Cocamau Maubisse hodi halo pagamentu ba nia menbrus Kafe nain sira durante halo atividade rehabilitasaun kafe”
Orsamentu nebe maka apoiu husi Oitavu Governu mai iha Koperativa Cocamau primeiru maka rehabilitasaun kafe, haree kafe sira nebe maka tuan ona i nia naruk liu ona no labele fo ona nia produsaun diak ba kafe nain sira, entaun ho orsamentu ida nee ita bele haree kafe sira tuan ona bele koa ka hasai tia atu nuee bele fo rendimentu diak ba kafe nain sira
Husu konaba total orsamentu hirak mak apoia ba pod aka rehabilita café iha grupo sira ne’ebe hamahan an iha COCAMAU, president COCAMAU ne’e haktuir;
“Total Orsamentu nebe maka koloka mai iha Cocamau hamutuk $50.000 i orsamentu nee rasik mos sei fahe ba Grupu hamutuk 28 nebe maka esiste iha koperativa cocamau maubisse no orsamentu ne’e mai husi governu liu husi Ministeriu Agrikultura no Pescas Servisu hamutuk ho ACT, no orsamentu refere maske ho montante bo’ot maibe fahe ba grupo sira depende ba iha mapamentu nebe maka durante nee egipa halao ona survei bazeia ba kafe sira nebe halo ona rehabilitasaun iha kada grupo ida idak nian ne’ebe ho total uma kain hamutuk 742 (atus hitu hat nulu resin rua)”.
Iha fatin Hanesan reprezentante Administrador Postu Maubisse Abril Xavier do Rego haktuir katak;
“Hau nia observasaun ba iha atividade nebe maka ohin Koperativa Cocamau organiza, hanesan Representate Administrador ami prontu apoiu ba atividade nebe maka sira halo i diak liu hanesan maubisse oan nafatin serbisu makas ba rai ida nee, atu ba nebe depende ba ita hotu nia esforsu”.
Tamba ne’e reprezentante Administrador Posto Maubisse ne’e husu ba grupo sira ne’ebe mak hamahan-an iha COCAMAU katak, husi fundus nebe sira hetan utiliza didiak ba para bele garantia ba oin nunee saida maka atu halo foun tan ba rai ida nee espesialmente iha Postu Maubisse.
Jornalista :Natalino Mendonca
Editor : Joaquim de Fatima
