Racom Maubisse: Lia Nain Hamutuk ho Autoridade Lokal Postu Maubisse, Autoridade Komunitaria, no Sarani Maubisse Sexta Feira Loron 16 Fulan Dezembru ne’e Haksolok Simu Nai Lulik Foun Maubisse oan Pe. Favelino Alves da Costa Iha Paroquia Imaculado Coração de Maria Maubisse,  hodi realija Missa Dahuluk   Iha Igreja Maubisse.

Iha Homelia Parde Favelino Alves da Costa ba Sarani Paroquia Maubisse  Haklaken katak;

“Lema ne’ebé hau foti ba hau nia Ordenasaun “Nai Hau Konfia Iha Ita Nia Laran Diak” Salmo ida ne’e fó fali inspirasaun nakonu ho esperansa no konfiansa mai hau katak, Maromak ne’ebe bolu o Nia la husik  mesak  o konfia iha nia basa nia Domin Laran luak laran diak sei la nahas ba o. Rajaun Simples hirak ne’e maka halo hau hili lema ida ne’e no lema ida ne’e sai hanesan inspirasaun ba hau iha hau nia moris tomak hanesan Nai Luluk” Dehan Padre Favelino Liu Husi Homelia 16/12/2022

Nafatin iha Homelia Nai Luluk foun ne’e ba  Sarani Maubisse  Hateten;

“Maluk Sarani Doben sira wainhira ita lakon ema impotante sira konserteza ita tama iha triteza ida profundu tebes ida ne’e maka atan hau senti wainhira hau lakon hau nia Inan Doben, maske núne’e Maromak nia Futar Lia  sempre fó esperansa no korazen mai hau katak buat ne’ebé ita lakon ne’e Maromak rasik sei subtitui fali, tamba ne’e Maromak hakarak atu ita haksolok nafatin iha Nia” Dehan Pe. Favelino Alves da Costa, Iha Nia Missa Nova ne’ebe  Realija iha Paroquia Imaculado Coração de Maria Maubisse, Hafoin simu Ordenasaun Husi Dom Virgilio Cardeal do Carmo da Silva SDB iha Loron hirak liu ba Catredaral Dili Timor Leste.

Hafoin de Missa ida ne’e Iha Diskursu Premeiru Pároco Paroquia Imaculado Coração de Maria Maubisse Padre Domingos Alves da Costa, hanesan Aman Sarani ba Padre Favelino Alves da Costa, Konta mos História Nai Lulik foun Pe. Favelino hodi hateten, Sai hanesan Pároco dahuluk iha Paroquia Maubisse Kuda hela Fini, ho nia Prezensa Rekolla hikas musan husi fini ne’e hanesan Rejultadu hatudu husi Pe. Favelino Alves da Costa.

Tamba ne’e Nai Lulik ne’e hateten Padere Favelino Hanesan Maubisse, Soibada, Remexio nia-oan hotu.

“Hau  mai Ainaro hau lori labarik-oan nain 2 tuir hau, ida Naran Manuel Luis  da Costa Amanu maka ne’e hela ne’e (Aman Husi Pe. Favelino Alves da Costa) ida naran Miguel Soares ne’ebé maka foin mate ho sira seluk tan. Ne’e duni hanesan hau mai lori Fini mai kari hela iha Maubisse musan sira maka hanesan ohin hau mai rekolla fali. Ne’e  duni Favelino Nia Soibada-oan, Maubisse-oan, Remexio-oan hotu labele Maubisse deit” Dehan Nai Lulik dahuluk iha Paroquia Maubisse ne’e 16/12/2022.

Nai Lulik ne’e Kuntinua hatutan liu tan katak;

“Soibada dok-dok sadik Maubisse Maubisse tó tan Bessi diuk ona, ne’e katak sa? Ami mai sadik Maubisse hola tan maubisse ami nia jerasaun barak, Manuel tuir lolos ne’e ami nia ema maibe nia mai hola feto tama fali mai Maubisse entaun Maubisse maka riku fali ami kiak fali. Ne’e duni hau nia parabens ba Maubisse tomak, ba Favelino ne’ebé hau maka fó naran hau maka sarani nia molok sai husi ne’e iha Agostu 1.989 ba estuda iha Roma. Dom Norberto maka mai troka hau, wainhira hau sei iha ne’e nia mai hanesan Diacono depois ami lori nia ba sai Amu Lulik iha Ainaro, oras ne’e Sai Bispu. Tuir lolos nia mai maibe nia moras ita reja barak ba nia tamba nia hadomi Maubisse iha nia Fuan, núne’e hau Hadomi Maubisse iha hau nia Fuan” Haktuir Padre Domigos Alves da Costa Iha Maubisse liu husi Diskursu hafoin Missa Nova Pe. Favelino Alves da Costa 16/12/2022

Entertantu Missa Nova ida ne’e iha Maubisse Marka Prezensa husi Ministru Assutu Kombatenentes Libertasaun Nasional (MKLN) Julio Sarmento “META MALI” Jurista Timor-Oan Dr. Manuel Tilman, Nai Lulik sira, Hamutuk ho Sarani Maubisse.

Jornalista                     Moises da Silva Magno

Editór                          Joaquim de Fátima Coutinho