Racom Maubisse VIII Governu konstitusionál liu husi Ministru Turizsmu, Komérsiu no Indústria José Lucas do Carmo da Silva, hala’o inaugurasaun ba sítiu turístiku Rabilau iha Postu Administrativu Maubisse, Munuisípiu Ainaro.
Antes Inaugura no Lansa ba Públiku Liu Husi Deskursu Ministru Turizmu, Komérsiu no Indústria José Lucas do Carmo da Silva, hateten, VIII Governu Konstitusionál hatur seitór turizmu hanesan seitór alternativu ida ba ekonomia rai laran, tanba ne’e Governu esforsu maka’as dezenvolve sítiu turístiku sira atu oinsá bele asegura kresimentu ekonomia ne’ebé mak efetivu, efisiente no sustentavel husi seitór turizmu, nunee bele halo diversifikasaun ekonomia Timor-Leste.
“VIII Governu konstitusionál hatur seitor turzmu hanesan seitor alternativu ida, no fó prioridade ba seitor ida ne’e atu hahú atu dezemvolve atu sai alternativu dezemvolve ekonomia iha rai laran. Dekáde ida ka rua ona ita depende ba seitor Petrollu tamba ne’e ita komesa iha obsoens ne’ebé maka ita rasik maka tenki realija, ita rasik maka tenki indentifika nia prioridade, i ita rasik maka sai nain, tamba ne’e ohin ita hotu iha ne’e sai sasin dala ida tan ba dezemvolvementu ba turzmu Komunitaria” Dehan Ministru Komérsiu no Indústria José Lucas do Carmo da Silva, iha Seremonia Inaugurasaun Sítiu Turístika Iha Lauklo-Lau Iha Laletek Foho Rabilau Suku Maubisse Villa.
Tanba ne’e dezenvolve turizmu komunitáriu ne’e atu empodera komunidade no kapasita komunidade lokál hodi dezenvolve seitór turizmu iha sira nia área no hamosu na’in ba rekursu turístiku, hodi proteje kultura nomós prezerva meiu-ambiente nu’udar atrasaun prinsipál ba atividade turizmu bele kria kampu traballu no motiva komunidade hodi hasa’e espiritu negósiu iha área hospitalidade ba atendimentu vizitantes no turista Lokál, rejionál no internasionál.
“konseitu turizmu komunitáriu ne’e hatur komunidade sai hanesan na’in no komunidade iha sentidu pertense bót liu iha seitor turizmu ne’e nia laran tanba sustentabelidade, akuntabilidade no responsabilidade iha komunidade nia liman.” Ministru José Lucas do Carmo da Silva, hateten.
Dezenvolvementu fatin refere MTCI koopera ho Grupu Turizmu Komunitáriu Warda, Tanba ne’e, governante ne’e husu ba komunidade Maubisse atu kuidadu no proteje ho areadores sítiu turístiku refere, no kuidadu fasilidade ne’ebé mak instala ona iha fatin nee, presiza ema hotu nia kontribuisaun no responsabelidade.
“orgullu nu’udar Maubisse oan, atu tau responsabelidade máximu ba fasilidade sira ne’ebé maka instala ona iha areadores ne’e, tanba sítiu turístiku nee atu ba oin depende ba Maubisse oan” Dehan Governante ne’e.
Iha fatin hanesan Adjunta Administradór Munisípiu Ainaro Rosa Olga, husu ba Governu liu-liu MTKI atu nafatin ajuda komunidade sira nune’e bele fasilta prosesu sira to’o remata.
“Ha’u husu nafatin ba Governu no MTKI atu hamutuk nafatin ho komunidade Maubisse para dezenvolve fatin turizmu Rabilau nee to’o remata, tanba Maubisse nu’udar fatin estratéjiku ba seitór turizmu”. Dehan Adjunta Administrador Munisípiu Ainaro iha Seremonia Inaugurasaun Fatin Turizmu Komunitaria Rabilau Maubisse.
Sitíu turístiku ne’e dezenvolve tanba servisu hamutuk entre komunidade Maubisse no MTKI liu husi Diresaun Nasionál Turizmu komunitáriu no Kultural hahú iha tinan 2021, fatin turístiku refere dezenvolve ho orsamentu hamutuk US$41,070.00, husi montante nee hodi konstrui Arka Bem vindo, Haris Fatin, tanki bee-mos, instala eletrisidade ho solar painel, eskada ba pra-wedding, uma ba seguransa, no infraestrutura seluk tan.
Jornalista Moises da Silva Magno
Editór Joaquim de Fátima Coutinho
