Racom Maubisse (18/11/2022) Governu Liu Husi Sekretaria Estadu Formasaun Profesional no Empregu Tinan ne’e Konstroi tan Sentru Fornasaun Turizmu Komunitaria ida iha Postu Administrativu Maubisse Munisípiu Ainaro.

Sentru Formasaun Refere iha Loron 18/11/2022 foin dadaun ne’e halao ona lansamentu fatuk dahuluk ba ninia konstrusaun husi Sekretariu Estadu Formasaun Profesional no Empregu Alarico de Rosario hamutuk ho delgasaun husi Nasional, Munisípiu, no Autoridade Lokal, inklui Komunidade sira iha Aldeia Hato-Luli Suku Maubisse Villa.

Antes halao Lansamentu ba ninia Konstrusaun Iha Diskursu Sekretariu Estadu Formasaun Profesional no Empregu, Alarico de Rosario hateten;

“Agradese ba Maubisse, Maubisse fuan bót atu tau Sentru Formasaun iha Maubisse atu akumula suku sira iha Maubisse laran tomak, Inklui ida hau nian Ainaro. Ne’ebe Sentru Formasaun ida ne’e laos Maubisse nian deit maibe ita hotu nian Suai mós bele Mai tuir, Same, Hato-builiku mós bele tún mai, Aileu mós hakarak mai karik bele mai tamba ema hotu iha ourtunidade” Tenik Alarico Sekretariu Estadu Formasaun Profesional no Empregu 18/11/2022.

Entertantu Aktividade Lansamentu ba Konstrusaun Turizmu Komunitaria ne’e iha Hato-Luli Maubisse  lao ho diak tó remata.

Alende Sentru Formasaun ida ne’e Sei Konstroi husi Formandu sira ne’e remta ona sira nia Kursu iha Sentru Formasaun Tibar no Komunidade Balun ne’ebe hela besik iha Area ne’eba.

Jornalista                     Moises da Silva Magno

Editór                          Joaquim de Fátima Coutinho