Racom Maubisse (18/11/2022) Administradór Postu Administrativu Maubisse Munisípiu Ainaro ható lia agradesementu ne’e wainhira akompaña Sekretariu Estadu Formasaun Profesional no Empregu ho delagasaun tomak husi Nasional, hodi iha lansamentu fatuk dahuluk ba Konstrusaun Sentru Formasaun Turizmu Komunitaria iha Area Suku Maubisse Villa nian.

“Hua Agradese ba rai nain ne’ebé deklara ho neon ho laran ho fuan bót hakarak kontribui ba dezemvolvementu ba ita nia Nasaun Repúblika Demokrátika Timor Leste espesialmente ba Postu Administrativu Maubisse Munisípiu Ainaro ba oin. Ne’ebe ohin imi nia deklarasaun ne’e loron ho rai ida ne’e rona hotu ona, labele sai fali hanesan ftin seluk haré ba buat ne’e nabilan derpenti mosu fali mai dehan ami hakarak maka ida ne’e, tamba ne’e ba deklarasaun rai nian nian ida ne’e maka ita hakarak atu kontribui tamba ne’e buat ne’ebe maka ita nia Heroi sira rai hela ba ita tenki kuntinua dezemvolve furak ba nafatin hodi atrai ema husi rai seluk mai vizita” Hateten Administrador Postu Maubisse 18/11/2022

Autoridade másimu Postu Maubisse ne’e kuntinua fundamenta liu tan katak;

“Momentu kmanek ida ne’e ohin dia 18/11/2022 ofisialmente ita harí konstrusaun Sentru formasaun ida ne’e hodi atende ita nia Joven sira ne’ebé namkari iha Municipiu Ainaro Postu Administrativu Maubisse  no fatin ne’e nakloke ba ema hotu bele mai aprende iha ne’e” Hanahas Xefe do Postu Maubisse Munisípiu Ainaro 18/11/2022.

Alende Sentru Formasaun ida ne’e Sei Konstroi husi Formandu sira ne’e remta ona sira nia Kursu iha Sentru Formasaun Tibar no Komunidade Balun ne’ebe hela besik iha Area ne’eba.

Jornalista                     Moises da Silva Magno

Editór                          Joaquim de Fátima Coutinho