Racom Maubisse (26/10/2022) Jestor Radiu Komunidade Maubisse Mau-Loko (RKMM) Joaquim de Fátima Coutinho Hateten, Servisu ne’e maka Importante maske ita servisu iha uma diak fatin diak maka servisu la lao ne’e Susar itoan.
Joaquim de Fátima Coutinho hateten ida ne’e liu husi Surumutuk ne’ebe maka halao hamutuk ho Autoridade Postu Maubisse, Prezidente Konsellu RKMM no Lia Nain Iha Edefisiu Rakom Maubisse iha Seremonia Kulturais ba Rehabilitasaun Edefisiu RKMM.
“Servisu ne’e maka importante, se ita halo uma diak, buat hotu diak se servisu maka la lao ne’e susar itoan” Dehan Jerente RKMM ne’e 26/10/2022.
Tamba ne’e Jerente Radiu Komunidade Maubisse ne’e Agradese ba Kóperasaun diak husi partes hotu iha Postu Administrativu Maubisse Municipiu Ainaro.
“Ne’ebe hau agradese tamba so úniku iha Timor ita bele dehan katak parte Administrasaun, Konsellu sira ho Komunidade sira nia kóperasaun diak tebes maka úniku iha Radiu Maubisse iha fatin sira seluk mós buat sira hanesan ne’e la akontese ida” Aprejenta Jestor RKMM 26/10/2022.
Entertantu Existensia Radiu Komunidade Maubisse Besik tama ona ba Tinan 12 iha Komunidade Maubisse nia lét.
No Iha Tinan ne’e Liu husi Fundus Tranferensia Públika husi Governu Liu husi Diresaun Nasional Promosaun no Dezemvolvementu Mídia Lokal (DNPDML) ho montante $6.500 hodi halo reabilitasaun Edefisiu Radiu Komunidade Maubisse Mau-Loko.
Jornalista Moisese da SilvaMagno
Editór Joaqim de Fátima Coutinho
