Racom Maubisse, 25/10/2022, Komunidade Suco Maubisse Villa, halao limpeza jeral iha semiteriu Jeral Maubisse nian hodi prepara ba komemora loron finhadu ne’ebe sei monu iha dia 2 de Novembro 2022, progrma nee kontinuasaun husi programa maun de obra segunda faze nian,
Ba Radio Komunidade Maubisse Mauloko, Administrador Posto Administrativo de Maubisse, Claudino mendonca haktuir katak;
“Programa maun de obra Postu Administrativu Maubisse nian ita la hein ida ida ka nia matebian sira nia rate mak sei hamos, maibe liuhusi programa PEMOPA ida nee, grupu sira ita mobiliza hodi hamos rate ne’e em jeral hodi prepara ba loron matebian 2 de Novenbru 2022”.
Administrador Posto Maubisse ne’e Haktuir liu tan katak programa PEMOPA ne’e iha faze primeiro remata ona, no agora segunda faze nian;
“Programa PEMOPA primeira faze hotu ona no segunda fase hahu iha dia 21 de Outubru de 2022 atu termina iha fulan Novenbru, ataividade limpeza nee partisipa husi komunidade, maibe ita la haree emjeral maibe ita haree ba grupo agora serbisu nee husi grupo tolu mak serbisu halo limpeza iha semiteriu jeral Maubisse, tuir programa PEMOPA nee, menbrus do grupo loron ida $ 5.00 i xefi do grupo $7.00 membrus sira serbisu iha limpeza semiteriu nee, kompostu husi aldeia tolu mak hanesan aldeia villa, hau-tadu, no aldeia liquitei”.
liamenon ba grupo sira ohin serbisu iha ne’e hamos rate nee halo didiak mos no nabilan tanba semiteriu jeral iha postu maubisse nee lokaliza iha maubisse villa atu nunee movimentu transporte lao ba mai ema hare dehan rate maubisse mos, tanba ida nee ema hotu nia fatin nebe ita laos hanoin deit ba matebian sira nebe liu ona maibe fatin nee ba ema hotu tenke hamos ho neon no laran atu nunee hatudu ba matebian sira katak grupo nebe serbisu fo neon ho laran duni.
Jornalista :Natalino Mendonca
Editor : Joaquim De Fatima
