Racom Maubisse (12/10/2022) Ho Kondisaun ne’e ba Jornalista Radiu Komunidade Maubisse Mau-Loko Infermeiru Florindo Soares hafoin de halo atendementu Saude ba Komunidade sira iha Suku Manelobas Maubisse hateten;
“Hau núdar infermeiru ida iha ne’e prokupa liu-liu maka kona-ba nesasidades atendementu iha Suku Manelobas. Hau nia prokupasaun maka Postu maka laiha durante iha ne’e, hau kombina ho Komunidade ho Autoridade lokal katak ami iha planu atu halo Postu Saude iha ne’e komunidade pronto oferese fatin iha tia ona maibe atu halo Postu ne’e maka hein orden tó agora seidauk realija” Dehan Infermeiru ne’e iha Suku Manelobas Maubisse 12/10/2022.
Nia Kuntinua hatutan liu tan katak;
“Dala ruma hau mai konsulta hau prokupa liu maka Aimoruk, tamba fatin atu tau Aimoruk ne’e maka laiha, dala ruma komunidade sira fó fatin para hela hau pronto atu hela maibe fatin ba tau Aimoruk nian maka laiha, depois hanesan Aimoruk sira ne’e hau tenki lori fila husi area distansia ne’ebe dók itoan hau tenki lori fila tamba Aimoruk relasiona ho Vasinasaun labarik rutina hau tenki lori fila hanesan Aimoruk bai-bain ne’e hau tenki rai” Dehan Pesoal Saude ne’e 12/10/2022.
Liga ho ida ne’e tuir Xefe Suku Manelobas Maubisse Domingos de Andrade hateten Ukun Rasik-an tinan 20 ona ba Komunidade Suku Manelobas senti nakukun ba iha dezemvolvementu.
“Ita Ukun-an tinan barak tiona maibe dezemvolvementu ne’e maka lao tarde los ita lahetene tamba saida maka ema hotu-hotu bele tamba saida maka Manelobas labele? Ita hare ami nia Klinika deit mós Infermeiru sira no Dotor sira atu mai tenki ba buka ema nia uma ba konsulta. Tamba ne’e atu rekomenda hela ba Governu liu-liu Ministériu Saude nia hare no hanoin mai ami nia komunidade sira iha ne’e, tamba buat hotu ne’ebe maka sira kolia ne’e buat leten nian deit karaik imi haluhan” Fundamenta Xefe suku Manelobas Maubisse Municipiu Ainaro 12/10/2022.
Entretantu total Populasaun Suku Manelobas 1.340 no uma kain hamutuk 310.
Jornalista Moisese da Silva Magno
Editór Joaquim de Fátima Coutinho
