Racom Maubisse (12/10/2022) Marina José Mendonça ható Sentimentu ne’e Liu husi Komunikadu Imprensa ne’ebe maka Organiza husi Unidade Estudante Suku Manelobas (UNE JUSMA) hamutuk ho Komunidade Suku Manelobas Kuarta feira ne’e iha Sede Suku Manelobas Postu Administrativu Maubisse Municipiu Ainaro.
Inan feto ne’e hateten,Projetu eletrifikasaun ne’ebe maka implementa husi Sub Kontraktór Kompañia Uka Dois iha Suku Manelobas hamosu hela diskriminasaun ba Komunidade sira tamba iha Aldeia balun deit maka asesu maibe balun la asesu.
“Hakarak ható ba Estadu Timor Leste katak, ami iha prkupasaun tebes tamba eletrisidade husi Uka Dois mai iha Manelobas nia dada ahi ba Aldeia sira ne’e dada hanesan diskriminasaun dada ba Aldeia balun hetan, no Aldeia balun lahetan, ezemplu deit Aldeia Ernaru balu hetan no balu la hetan, Aldeia Kotomatan balu hetan balun lahetan, Aldeia Hautilu balun hetan no balun lahetan, iha Aldeia Hautei mós hanesan hotu” Dehan Inan feton ne’e iha Sede Suku Manelobas Maubisse 12/10/2022
Ho lian makas inan feton ne’e kuntinua hateten;
“Labele halo diskriminasaun ba ami povu Timor Leste ida ne’e, tamba durante tempu naruk ami Manelobas mós luta hotu ba Indepedensia rai doben ida ne’e, tamba ne’e labele halo diskriminasaun iha balun imi dada ahi ba balun la dada tenki loke dezemvolvementu ne’e luan iha ami nia Suku Manelobas. No Loke mós kampu de traballu ba ami nia Juventude sira ne’ebe abandonadu hela iha ami nia Suku Manelobas ida ne’e tamba Uka Dois mai ne’e la loke ba ami nia rekursu sira iha ami nia Suku no Aldeia para sira mós bele hola parte iha ne’ebá hodi servisu” Dehan ho lian makas husi Inan Feton Mariana José Manedonça 12/10/2022.
Tuir inan feton ne’e observa katak Traballadores ba dada liña eltrisidade iha Suku Manelobas Kompañia lori traballadores husi fatin seluk hodi la involve ema Suku laran hodi ba Servisu.
Jornalista Moisese da Silva Magno
Editór Joaquim de Fátima Coutinho
