Racom Maubisse (08/10/2022) Ho Existensia Ilhas Nain Feto Ramelau Kompleta tinan 25, marka mós ho Istória foun ba sarani Katólika Hato-Builiku, liu husi Inaugurasaun Ingreja, aliende ne’e Sai Hanesan Paroquia iha loron 6 fulan Outubru 2022 ho nia Pároco Premeiru maka Padre Francisco Soares Fernandes.
Dom Virgilio Cardeal do Carmo da Silva SDB hateten ida ne’e iha nia Homelia iha Selebrasaun Missa ba Inaugurasaun Kapela iha Leo-Telu Hato-Builiku Municipiu Ainaro Loron 8 fulan Utobru 2022 foin lalais ne’e.
“Tinan ida ne’e molok hakat ba iha Tinan 25 Ramelau ninian iha dia 6 iha Hato-Builiku ne’eba ita halo eresaun ba Paroquia Hato-Builico. Hato-Builiku ne’ebe uluk sai nafatin iha Paroquia Maubisse maibe iha loron rua ne’e nia laran Hato-Builiku sira komesa senti katak ami mós laos ona estasaun ami mós Paroquia ona, Nomeasaun ba Premeiru Paroko Paroquia Hato-Builiku ninan maka Amu Francisco Soares Fernandes” Dehan Cardeal Iha Leo-Telu Hato-Builiku Municipiu Ainaro 08/10/2022.
Relasiona ho ida ne’e ba Jornalista Radiu Komunidade Maubisse Mau-Loko loron 08/10/202 iha Hato-Builiku, Premeiru Paroko Igreja Nosa Senhora da Grasa Hato-Builiku Pe. Francisco Soares Liu husi Intervista hateten;
“Agora dadaun ne’e hanesan Premeiru Paroko iha Paroquia foun Nosa Senhora da Grasa Hato-Builiku. Hau hakarak hato hau nia profunda agradesementu ba Diocese de Dili agora Arque Diocese de Dili ne’ebe maka ho nia apoiu hahu kedas husi Konstrusaun ba Fundase Uma Kreda ida ne’e nian ne’e altura ne’eba Amu Dom Albertu Recardo da Silva Mate Bian servisu hamutuk ho Amu Ola ho Sarani sira iha Hato-Builiku, ho Loja nain Kompañia Vitoria, sira nia Apoiu hamutuk ho Sr. Fernando La Sama Matebian, ho tan sira nia belun lubuk bót ida maka fó sira nia apoiu hodi mai iha ne’e hari Igrja ida ne’e nia Alserse. Depois hotu tia forsa la tó ho kondisaun mudansa ba Amu Adri Ola, mosu fali mai Amu Consalo mai tempu badak deit entaun la konsege kuntinua, e mosu mai Amu Nando Amu Nando mós la Konsege kuntinua buka hela dalan bar-barak maibe la konsege kuntinua” Dehan Amu Paroko Hato-Builiku ne’e ba Jornalista RKMM 08/10/2022.
Nia Kuntinua Fundamenta Konstrusaun ba Ingera Hato-Builiku kuntinua fila fali iha Tinan 2016 ho nia Presenja hanesan Amu Vigariu Paroquia Maubisse ne’ebe nia Rezidente Permanente iha Hato-Builiku.
“Hau mai fali iha 2016, iha 2016 maka hetan fali Fundus uitoan husi Fundus Socidade Sivil liu husi altura ne’e Sr.Joaquim Freitas fo mai konstrusaun Uma Kreda ida ne’e Noventa e Cinco Mil, husi ida ne’e maka ami uja hodi halo uma ne’e tó taka kalen. Depois hotu tia ida ne’e ami labele kuntinua tamba forsa finanseiru laiha e sarani sira kontribui nafatin sira nia oferta hodi halo nafatin, maibe la konsege tamba ne’e maka husi Arque Diocese de Dili fó nafatin apoiu maka ita bele konta total Dusentos Ital Mil. Atu dehan katak Igreja ida ne’e molok sai hanesan ne’e maibe ema hotu nia kontribuisaun no kosar ben, ne’ebe dala ida tan hau agradese ba hotu-hotu ne’ebe hau simu ita bót sira tulun mai iha Igreja ida ne’e, ita bot sira nia tulun fo Gloria ba Maromak hodi lori sarani sira ba haksolok ho Maromak” Haklaken Premeiru Paroko Ingreja Nosa Senhora da Grasa Hato-Builiku Ainaro Padre Francisco Soares Fernandes 08/10/2022.
Jornalista Marcelina Henrique
Editór Moises da Silva Magno
