Racom Maubisse (08/10/2022) Dom Virgilio Cardeal do Carmo da Silva ható apresiasaun ne’e Wainhira fó Bensaun no Inaugura kapela ida iha Leo-Telu Suku Mau-Chiga foin lalais ne’e, liu husi intervista ho Jornalista Radiu Komunidade Maubisse Mau-Loko.

“Fó parabens ba Sarani Maubisse Sarani Hato-Builiku, tamba sa? Sira la hein husi ne’ebá maka mai halo uluk sira maka hahú rasik tamba ezemplu iha Juñu hau kuandu inaaugura Kruz bót ida hamrík iha Foho Balibo Maubisse nia leten ne’ebá ne’e inisiativa mai husi Sarani sira laos mai husi Amu Paroko. Durante loron hirka ne’e nia laran ohin ita Inaugura mós ida iha Leo-Telu ninian ne’e Gruta bót ida ne’e mós mai husi inisiativa Sarani nian. Horbairua hau Inaugura mós Gruta ida iha Tau Rem iha mós Gruta ida iha Manumera ne’e inisiativa Sarani rasik, tamba sa maka sira halo ida ne’e tamba sira fiar katak sira kria kondisaun dada ema mai mós Autoridade sira mai atu hare atu motiva liu tan Autoridade sira bele halo” Dehan Cardeal ba Jornalista 08/10/2022

Lider Igreja Katolika Timor Leste ne’e kuntinua  fundamenta liu tan katak;

“Ita la bók-an se ita hotu hein deit Governu entaun progresu nunka lao tan ne’e maka premeiru parabens ba Sarani Hato-Builiku, parabens ba Sarani Maubisse ninian tamba inisiativa mai husi sira” Dehan Dom Virgilio Cardeal do Carmo da Silva hafoin Inaugura Gruta no Kapela iha Leo-Telo Suku Mau-Chiga Hato-Builiku Municipiu Ainaro 08/10/2022.

Tamba ne’e atu dezemvolve diak liu fatin Turizmu Resligiosa no Turizmu Kultural iha Partese area Hato-Builiku no Maubisse Sarani sira tenki kria kondisaun uluk hanesan halo dadaun ona ne’e .

Jornalista                     Marcelina Henrique

Editór                          Moisese da Silva Magno