Racom Maubisse (29/06/2022) Direktur Edukasaun Municipiu Ainaro Oscar de Araújo ható apresisaun ne’e iha Seremonia Inseramentu taka projetu Redusaun Risku Dezastre no Mudansa Klímatika ne’ebe implementa husi Fundasaun Maharu ba Eskola Tarjetu hamutuk 17 iha Municipiu Ainaro.
“Apresia liu ba Maharu ho Plan Internasional bele halo atividade inseramentu ba sira nia projetu durante tinan lubuk balun komesa iha 2019 halo ona aktividade ba Dezastre Naturais no ohin intrega hau núdar Direktur Edukasaun Kontenti Teb-tebes tamba buat barak sira halo ba Eduksaun Municipiu Ainaro. Premeiru maka ne’e sira bele konstroi Edefisiu ruma karik Dezastre Naturais afeita kalen balun loke sira bele taka fali, halo Dapur balun ba ita nia fornesedór sira tein ba ita nia oan sira halo drainajen para bé labele tama ba fatin eskola nian sira mos konstroi tan eskola balu ke presija para ita nia oan sira bele asesu ba edukasaun” Hateten Direktur Edukasaun Municipiu Ainaro 29/06/2022.
Tamba ne’e hanesan Direktur Edukasaun Municipiu Ainaro Agradese ba Plan Internasional ho ninia Parseiru Maharu bele halo ona preparasaun diak ba Futuru Estudante sira nian. Tamba ne’e Direjente Servisu Edukasaun Municipiu Ainaro Rekomenda atu aktividade ne’e nafatin kuntinua maske nia duransun projetu termina ona.
“Hanesan Direktur Edukasaun Kuntinua Solisita husu tan sira nia ejistensia para núne’e bele dezemvolve seitor Edukasaun Ainaro liu-liu iha Postu Administrativu Ha’at, Eduksaun Municipiu Ainaro ho nia membrus hotu prontu atu apoiu kualker atividade saida deit para núne’e bele Edukasaun Municipiu Ainaro ba oin liu husi sira nia atividade ne’ebé maka Plan Internasional fó apoiu ba Maharu” Haktuir Direktur Servisu Edukasaun Municipiu Ainaro Oscar de Araújo 29/06/2022
Tuir Direktur Fundasaun Maharu Bonifacio Sereno Ramalho Katak Projetu ne’ebe maka finaliza dadauk ne’e nia durasaun ba Tinan tolu atu kuntinua ida ne’e depende ba Politika Ajenjia Plan Internasional Timor Leste.
“Projetu ida ne’e ninia durasaun ba Tinan 3 hahu iha 2019 mai tó iha 2022 ne’e termina ba tinan 3 mas ida ne’e depende fila fali ba Polítika Plan Internasional karik Plan iha opurtunidade katak sei uja nafatin ninia Parseiru sira entaun ida ne’e depende fila fali ba Plan. Maibe agora dadaun Maharu mos tenta nafatin liu husi doador sira seluk no mos ba ita nia Governu para oinsa se iha oportunidade ruma Maharu hakerek ona Proposta. Ba ida ne’ebe maka liga ba iha Plan depende ba Polítika Plan tamba ninia parseiru sira hanesan Maharu no parseiru sira seluk tama ona iha data beis Plan Intrenasional se wainhira kuandu iha opurtunidade pasti Plan sei bele konvidade nafatin ami maibe ida ne’e depende mos ba komportamentu Fundasaun Maharu durante Tinan 3 nia laran Maharu halo Servisu kumpri didiak Regras hotu husi Plan katak laiha Difikuldade ruma ou notas ruma ne’ebe diak laiha eru ruma ne’ebe Maharu komete mais kundu Maharu halo kóperasaun ne’ebe diak ho Plan buat hotu lao tuir regras no programa entaun Plan Internasional sei bele rekueñese nafatin” Tenik Direktur Fundasaun Maharu ba Jornalista Radiu Komunidade Maubisse Mau-Loko 29/06/2022.
Jornalista Moisese da silva Magno
Editór Joaquim de Fátima Coutinho
