Racom Maubisse (26/06/2022) Tamba ne’e Xefe Suku Maubisse Villa Wilson Nivio Mendonça husu ba Komunidade Maubisse nafatin hatudu hamnasa ba ho oin midar ba Vizitante sira ne’ebe mai vizita Fatin Turizmu sira iha Postu Administrativo Maubisse Municipiu Ainaro.
Wilson Nivio Mendonça Hateten ne’e ba Jornalista Radiu Komunidade Maubisse Mau-Loko Wainhira hamutuk Ekipa Komunity Tração Jeep Timor Leste iha Lakaor Rabilau Maubisse Sabadu ne’e, no fila iha iha Domingu foin lalais ne’e.
“Hau nia Mensajen ba Komunidade sira ne’ebe hela besik iha fatin ida ne’e katak ita iha potensia ida ne’ebe ke bót tebes ita haré katak Mina Rai Tempu ida sei maran maibe Turizmu nia la maran. Tamba ne’e ita tenki hanoin ona ba oin katak ita tenki investe iha Turizmu premeiru ita tenki asegura fatin ida ne’e ho ninia originalidade. Ho kondisaun sira ne’ebe Estadu kria hela dadauk ne’e hanesan fasilidades sira ne’ebe Estadu rai hela ne’e ita tenki tau matan. Tau matan mos ba iha lixu labele soe lixu arbiru iha fatin ida ne’e” Hameno Autoridade Suku ba Komunidade sira iha Maubisse 26/06/2022.
Nia kuntinua apela nafatin katak;
“Se ema barak mai vizita bebeik saida maka ita atu halo,entaun ita tenki iha preparasaun ba ita kondisaun ida ne’ebé maka diak tamba ida ne’e husu ba Komunidade sira katak, tenki mai ho hanoin ida ne’ebé diak promove dadauk prepara imi nia kondisaun Quest Haouse tradisional sira ne’e pontensia saida maka iha ne’e ita bele fán ita prepara atu núne’e iha futuru mai bele lori ema barak mai fatin ida ne’e bele lori mos osan ba komunidade tamba ita hatene katak, buat ida turizmu ne’e nia benefisiu ne’e direita ba Komunidade” Apela Xefe Suku 26/06/2022.
Tamba ne’e Xefe Suku Kuntinua husu ba Komunidade atu nafatin kria kóperasaun diak nafatin ho Autoridade Lokal, no Presija hatudu oin midar ba Turizta lokal no husi Rai liur ne’ebe mai vizita Maubisse espesialmente iha laletek foho Rabilau Maubisse Municipiu Ainaro.
Jornalista Moises da Silva Magno
Editór Joaquim de Fátima Coutinho
