Racom Maubisse (26/06/2022) Nelson Torque Husi Komunidade Motór Loriku Adventur hateten ida ne’e ba Jornalista Radiu Komunidade Maubisse Mau-Loko Wainhira hamutuk ho Komunidade Tração  Jeep Vizita no toba kalan ida iha Area Lakaor Ribilau Suku Maubisse Villa Postu Administrativo Maubisse Municipiu Ainaro Sabadu fin de Semana ne’e.

“Hau husi Kounidade Motór Loriku Adventure hau hetan konvite husi hau nia maun alin sira husi Tração Jeep Komunity sira konvida hau komu hau mos iha Jip ida ami Jip hanesan hau nia laran hanesan monu los ba Viajen ne’e ho kolega sira, ba oin hau sei kuntinua lao ho sira. Tamba Grupu ida lao ho objetivu laos lao ba mai hatudu tun hatudu sa’e hanesan grupu sira seluk lae. Mai iha ne’e fatin ne’ebe maka potensia bót la halimar liu-liu ba Turzmu” Hateten Maun Nelson Turquel iha Rabilau Maubisse 26/06/2022.

Tamba ne’e hanesan Vizitantes ida iha Maubisse, Nelson Turquel Agradese ba Autoridade Suku Maubisse ho Komunidade Maubisse nia Kontribuisaun no Servisu hamutuk  hodi dezemvolve fatin Turizmu Lakaor Rabilau Maubisse Municipiu Ainaro.

“Agradese los ba Nai Xefe Suku ema ida ke, servisu bót  Promove nia Rain no promove nia fatin ida ne’e ba ema hotu maske dalan ema ké deit ho liman mas ami nia Jip ne’e bele lao ba fatin hot-hotu ami hein katak Estadu mos bele tau matan bele haré fatin ne’e halo netik estrada ne’e sae mai lolos ne’e Jeep deit maka mai mais kareta Sedan sira ka kareta sira seluk mós bele mai fatin ne’e fatin furak la halimar se ita hotu servisu hamutuk kolabora buat sira ne’e sei sai diak”  Nia dehan 26/06/2022.

Tamba ne’e  konvida nafatin ba maluk vizitantes sira seluk bele hakat mais senti ambiente Rabilau maubisse nia furak inportente maka la bele soe lisu Arbiru.

“Fatin ne’e klaru malirin maibe ita nia rain maka hanesan ne’e hau senti ema hot-hotu mai para senti fatin ida ne’e ninia furak nia beleza ninia virgin imortante maka ita labele soe lixu iha fatin ne’e ami sai husi ne’e ami sempre hodi lixu ne’ebe ami tau iha ne’e ami tenki hodi fila fali liu-liu lixu tamba ami hakarak preserva nafatin  ne’e, parabens ba Nai Xefe Suku no maun alin Rabilau sira imi nia servisu kapaz kuntinua nafatin” Hateten Komunidade Motór Loriku Adventure iha Rabilau Maubisse Municipiu Ainaro.

Ho ida ne’e ekipa husi Komunity Tração Jeep ne’ebe toba kalan ida iha Lakaor Rabilau Maubisse ne’e Kompstu husi Kareta 10. No Kompretidu katak Ekipa Komunity Tração Jeep Timor Leste Prontu halo promosaun diak liu tan ba fatin Turizmu Rabilau Maubisse, tamba Sira konsidera Ambiente Rabilau Sei Natural hodi bele atrai mos Komity sira seluk ne’ebe ejisti iha Timor Leste.

Jornalista                     Moises da Silva Magno

Editór                          Joaquim de Fátima Coutinho