Racom Maubisse (13/06/2022) Komunidade Aldeia Manumera no Maulahulo Suku Mulo Postu Administrativo Hato-Builiku Municipio Ainaro, Senti Tristi ho Folin Nesasidades Báciku ne’ebe as iha Merkadu, Inkliu folin Kombustivel.

Ba Radiu Komunidade Maubisse Mauloko Lorenca da Conçeicão Sengunda feira ne’e iha Aldeia Maulauhulo  hateten Husu ba Governu Liu husi Parte Kompetente Redus folin Sasan Nesasidade Báciku, Tamba tuir Inan feton ne’e katak Mina ba Kareta Motor Inklui Mina ba Han nian Agora karun Oinsa Komunidade Sira bele Moris.

“Ami husu Liu-liu ba Governu buat folin ne’e maka tenki hatun tamba sa? O ho Kareta Motor lao mos presija osan, Agora Mina ida ense ba Kareta ho Motor mos karun, Mina ida ita han fali mos karun susar ami atu moris ita temi Ukun-An maibe Araska Itoan. Ami iha ne’e Riku ho Modo oi-oin tamba Mina laiha ona diak liu ami dan deit ona lalikan buka tan mina, labarik sira dehan tenki sosa mina ami hatan ba sira hodi dehan oan Sira o lori ida ne’ebe maka sosa mina, o lori ida ne’ebe maka atu selu labarik sira ba Eskola, o lori ida ne’ebe maka han hemu kalan loron agora fós deit mos karun senti susar itoan” Haktuir Inan Feton ne’e 13/06/2022.

Sentimentu Tristeja hanesan Hateten mos Inan Feton Francisca da Conçeicão, tuir Inan Feton ne’e katak;

“Aihan ba haforsa ami nia moris ne’e maka hanesan Fós ho Mina agora ne’e aumenta Sae tan ba bebeik hanesan Funsionariu sira sei diak netik oinsa maka sira ne’ebe laiha Kbít. Agora Mina 5 Litro ne’e sae ba $15 Dolar Fós mos hanesan, ami nia Produtu lokal mos dodok iha tos laran tamba Udan Kareta labele tama mai ami lori saida ba hodi bele hetan osan ida ne’e” Hateten Nia 13/06/2022.

Jornalista                     Moises da Silva Magno

Editór                          Joaquim de Fátima Coutinho