Racom Maubisese, 28/05/2022, Organizasaun Arte Marsiais PSHT a nivel Posto Administrativu Maubisse Municipiu Ainaro, Halao Mini Konfrensia ho Tema, Hanoin Ida Laran Ida Ba Fraternidade Hodi Re-Integra PSHT Ba Komunidade, nune’e organizasaun arte marsiais refere bele halaoa nia aktividades treinu, tamba durante tinan barak governu taka, maibe iha politika VIII Governu Konsttusional loke hikas fali, tamba ne’e mak PSHT Posto Maubisse halao mini konfrensia ho tema, Hanoin Ida Laran Ida Ba fraternidade hodi re-integra PSHT Ba Komunidade.

Ba radio Komunidade Maubisse Mauloko Presidente KRAM Munisipio Ainaro Marcelino Mendonça, iha nia intervensaun;

“Ha’u hato’o parabens ba organizasaun arte marsiais no rituais sira tamba governu reativa ona organizasaun ne’ebé mak tinan barak liu husi resolusaun numeru 16/2013, governu taka ita-nia atividade no suspende kuaze tinan 9 nia laran hahu 2013 to oitavu governu konstituisional, ne’ebé mak haree ba iha nesesidade joventude tomak rihun ba rihun iha timor laran tomak, katak la’os hot-hotu mak halo asaun violenia sira ne’ebé akontese iha teritoriu laran tomak, tanba ne’e liuhussi resolusaun n.16/2013 hapara tiha atividade durante tinan 9 nia laran mai to oitavu governu konstituisional liuhusi sekretaria estadu joventude deportu foti risku bo’ot ida ne’ebé mak reativa liuhusi resolusaun n. 4/2020 iha tinan ida ho balun liu ba”.

Presidente KRAM Munisipio Ainaro Marcelino Mendonça, iha nia intervensaun haktuir liu tan katak;

“Ema hot-hotu kuaze kestiona Sekretariu Estadu Joventude Desportu Liliu Sua Excensia Sekretaria Estadu Abrão Saldanha katak liu husi resolusaun  n.16/2013 ne’e taka totalmente organizasaun arte marsiais sira ne’e, maibé ho fuan bo’ot no aten barani nafatin Secretariu Estadu Joventude mesmo ema ne’e joventude ida ne’ebé mak fuan bo’ot pronto atu bele enfrenta, tamba ne’e maske governu loke ona maibe nafatin mantein páz no estabilidade”.

Tanba ne ita hotu-hotu garantia nafatin pas iha no harmonia hahu husi ita ninia uma laran, karik problema ruma akontese iha liur mosu mai husi uma laran, diak liu mai ita hotu evita tia prolema sira ne’e hodi fo liman ba malu kontribui ba iha ezemvolvimentu ita nia rai laran liu-liu iha Posto Maubise no Munisipio Ainaro.

Participa iha Mini Konfrensia ho Tema “Hanoin Ida Laran Ida Ba Fraternidade Hodi Re-Integra PSHT Ba Komunidade, Organizasaun husi KORKA, IKS, 77, nomos organizasaun arte rituais seluk, Autoridade local, Lideranca komunitariu, konvidadus husi nasional municipal no komunidade balun.

Jornalista Rafiana Anjela

Editor Joaquim Coutinho