Racom Maubisse 26, 05/2022, Ministeriu da Edukasaun Liu husi Servisu Edukasaun Municiiu Ainaro, hamutuk ho Autoridade Local Posto Maubisse, PNTL Plan Internasional, Fundasaun Maharu, Inspektur Escolar, Directores, Professores, Alunus no Inan aman sira inaugural Escola Paralelu Dorabi Edi Maubisse.
Ba radio Komunidade Maubisse Mauloko, Diretor Servisu da Educação Municipio de Ainaro Oscar de Araujo hateten katak;
“Objetivu principal ohin mak ne’e primeiro marka istoria foun ida iha ha’u nia kargu nudar diretor edukasaun Municipiu Ainaro, liu-liu iha Postu Maubisse, adeia Dorabi Suku Edi, e mos marka historia ida ba edukasaun katak edukasaun mais importante ba ita hotu-hotu iha mundu ne’e, liu-liu edukasaun ne’e hanesan save ba desenvolvimentu ba ita nia rai Timor, tanba ne’e maka, ha’u prontu atu mai hamutuk no ha’u kongratula tanba, komunidade, autoridade lokal sira, kongratula mos ba NGO parseiru internasional sira, neste kasu Maharu, PLAN ho komunidade Balarat nsst ne’ebe mak ha’u la mensiona ha’u aprezia ho sira nia servisu”.
Diretor Servisu da Educação Municipio de Ainaro de Hatutan liu tan katak;
“Hanesan responsabel edukasaun iha municipiu Ainaro sente orgullu boot ida tanba sira bele halo edifisiu ida ho sala tolu (3), ho caza de banho feto no mane atu nune’e labarik sira bele asesu ba iha aprendisazen, tamba ne’e iha oportunidade ida ne’e, agradese tebes ba parseiru sira ne’ebé mak fo apoiu ba konstrusaun escolar refere hanesan MAHARU, PLAN, Komunidade Balarat no mos inan- aman sira ne’ebé mak halo kooperasaun ho diak ho ita nia parseiru sira, bele permite fatin oan ida hodi hari eskola oan ida para ita nia oan sira bele hetan benefisiu ba ensinu aprendisazen”.
Tamba ne’e tenki kuida eskola ida ne’e, tanba eskola ida ne’e ho nia istoria katak iha ita nia veteranus sira naran Hermenegildo uluk liu nia maka komandante kompañia, no nia organiza ita nia forsa sira atu hasoru inimigo, finalmente ninia luta no lakon, ohin loron ita tau eskola ida ho nia naran atu memoriza nafatin ninia luta ne’e, katak sira bele la iha mais sira nia sakrifisiu no prinsipiu normalmente ita tenki kontinua atraves de edukasaun. Katak ho edukasaun deit mak ita bele memoriza ita nia veteranus sira nia luta, sem edukasaun ita labele memoriza, ne’e duni ita tenki toma kuida ho didiak. Espera katak komunidade hotu-hotu, kamada edukativu hotu-hotu atu kuida no ba futuru ita hare numeru aumenta no posibilidade ita bele kontrolu.
Depois de Inaugurasaun Escola Paralelu Dorabi Edi Maubisse iha intervista ba Radio Kounidade Maubisse mauloko, Chefe Suco Edi Julio Mendonca Martins hateten katak;
“Husi Hau nia parte hanesan Chefe do Suco e mos hanesan president Komisaun organizadora ba inaugurasaun ida ne’e, sente orgulho tamba ho ema hotu nia apoiu ohin it abele inaugura eskola paralelu Hermenegildo Matias dorabi Edi Maubisse, tamba escolar ne’e hari hetan apoiu husi NGO lubuk ida hanesan, MAHARU, Sidade Amiga Balarat Australia, Plan Internasional Cruz Vermelha, Administrador Municipiu Ainaro, sira hotu nia kontribuisaun maximu liu husi materiais konstrusaun ba eskola ida ne’e ohin bele inaugura”.
Tamba ne’e husu ba inan-aman sira, eskola ida ne’ebe hari iha fatin ida ne’e bele fasilita ita nia oan sira hodi asesu ba iha edukasaun, presiza ita hotu-hotu nia kolaborasaun, kontribuisaun, no tau matan ba eskola ne’ebé mak harii ona husi ita hotu nia kontribuisaun rasik no maluk sira husi ONG, tamba ne’e husu atu tau matan ho diak, inan-aman tenki kumpri ninia papel bele suporta ninia oan sira mai eskola no kuidadu fatin ne’ebé mak agora daudaun hari ona eskola.
Edukasaun atu lao diak no kualidade depende ba inan aman, sociedade no uma kain ida idak, ho deit idukasaun mak bele muda familia no sociedade nia moris e mos bele muda mundo.
Jornalista Anarela Lobato Pacheco
Editor Joaquim Coutinho
