Racom Maubisse, 16/05/2022, Loro Mesak Kontinua dehan “Laiha Veteranus RDTL Mos Laiha”. Tamba ne’e laiha veteranus falsu, tamba veteranus iha mak hodi iha RDTL ne’e, tamba ne’e Secretario Estado Assuntu Veteranus Julio da Conceição “Loro Messak” ukun an ne’e veteranus konta ho veteranus sira nia sakrifisiu.

Iha intervista ba radio Komunidade Maubisse mauloko, Secretario Estado Assuntu Veteranus Julio da Conceição “Loro Messak”  hamosu pergunta hodi husu tenik “Semak dehan veternaus la halo funu”?

“Funu ne’e laos veteranu mesak deit mak halo maibe hamutuk ho povu, sim veternau la halo mesak funu hodi to ikus manan funu ne’e, maibe sei iha ema ida mak mata dalan no organiza mak povu participa nune’e iha 1999, hodi ba vota ne’e”.

Eis Assistente reziaun Quatro actual Secretario Estado Assuntu Veteranus Julio da Conceição “Loro Messak” haktuir liu tan katak;

“Veteranus la falsu maibe ema sira falsifika dadus ne’e mak falsu, tamba ne’e se mak falsifika dadus nia tenke ba hatan iha tribunal,  semak lori ema seluk nia naran hodi falsifika dadus veteranus ne’e kontra lei, a naun ser inan aman, oan, feton ho nan mak bele, se bei oan tiha fali mos ne’e tutan tiha fali ona ne’e laos rasik, tamba ne’e semak halo duni falsifikasaun, bele hetan multa ou bele tama komarka, depende ba aktu ne’ebe mak nia halo, tamba veteranus falsu balun ita lori ona sira nia kasu ne’e ba iha tribunal hein ema bolu deit, e balun tama ona, no tamba sa mak tenke halo, atu nune’e ema balun ne’ebe falsifika karik tauk nune’e ba oin buat sira nune’e labele mosu”. Haktuir Eis Assistente Rejiaun Quatro “Loro Messak”

Koalia konaba falsifika dadus veteranus iha Teritoriu Timor laran tomak, nune’e mos karik iha Municipiu Ainaro iha mos veteranus falsu ne’ebe konselho veteranus municipiu Ainaro iha, Eis Presidente Konselho Veteranus Municiu Ainaro, actual Secretario Estado Assuntu Veteranus Julio da Conceição “Loro Messak” haktuir;

“Iha Municipiu Ainaro mos ema falsifika dadus veteranus barak los, maibe identifika hotu ona, tenke prosesa duni, tamba ema balun uluk ita hare hela katak la halo buat ida, maibe sai tiha fali veteranus, entaun tenke buka hatene, liu husi se no modelu oinsa mak nia bele sai tiha 8 a 14, entau liu husi reberefikasaun ne’e, bolu nia hodi husu tuir, tahan deit sira nia osan iha banku, se nia laba husu tuir, signifika katak nia uluk la luta no ne’e falsifika ona dokumentus, no meus ida seluk ita bele husu, ita hahu klandestina iha nebe, ho se, sa tinan, se ita liga direta ba falintil karik falintil ida ne’e? komandante mak se, ou bele liu deit ho kansela osan se nia hein osan la ba nia tauk ba cek tamba nia hatene katak se ha’u ba husu orsida ema bele kaer hau, maibe kazu sira hanesan ne’e se akontese iha Ainaro parte konselho veteranus ainaro seidauk halo, tamba kuandu konselho hamrik tinan ida resin seidauk halo maibe ba oin sei halo”. Dehan “Loro Messak”

Funu ka luta ida ne’e laos ema boot no ferik katuas sira deit mesak mak halao, maibe labarik ki’ik oan sira mos hola parte iha funu durante 24 anus, tamba ne’e se ita hamosu pergunta, labarik sira halo mos funu ka lae, sei mosu hikas fali perguna, se mak dehan labarik sira la halo funu? iha experiensia ida ne’ebe Secretario Estado Assuntu Veteranus Julio da Conceição “Loro Messak” haktuir konaba nia luta wainhira sei ho idade 17 anus;

“Uluk ha’u “ Loro Messak” naran franca ikus Maun Konis Santa hakarak troka ha’u naran ba “Sasurut” tamba uluk lao ba hasoru Maun Konis Santana iha nia abrigu Faelau ha’u ba ne’e surut deit no lao arbiru deit, entaun maun Konis santa hakarak troka ha’u nia naran, ne’e katak laos katuas ferik sira deit mak halo funu maibe labarik sira mos halo funu, tamba ne’e labarik sira mos tenke konsidera katak sira mos uluk halo funu”. Dehan Sec Estado Veteranus  “Loro Messak”

Funu ramata ona liberta ona patria esperanca ba oin oinsa mak ita hotu hamutuk hodi liberta povu husi kiak no mukit, ida ne’e responsabilidade ita hotu nian, nudar veteranus, nudar povu no nudar sidadaun ida idak, ne’ebe hamahan-an iha uma fukun Timor Leste nia Mahan, laos agora bainhira tan no laos ita se tan….***

Jornalista             : Natalino Mendonca

Editor                    : Joaquim Coutinho