Racom Maubisse, 16/05/2022, Politika VIII Governu Konstitusional liu husi Ministeriu Assuntu veteranus no Secretariu Estado Assunto Veteranus nian mak sei kria politika no planu tuir instrusaun Primeiro Ministro nian hodi dezemvolve diak liu tan assuntu veteranus iha teritoriu Timor laran tomak. Koalia konaba tambasa mak osan ho montante um biliaun ne’ebe aloka ba fundu veteranus la halao dezemvolvimentu ba seitor produtivu sira, maibe tenke aloka ba veteranus? Hatan ba ida ne’e Secretario Estado Assuntu Veteranus Julio da Conceição “Loro Messak” dehan tambasa mak veteranus labele iha direitu ba osan ne’e, Veteranus iha Direitu hodi hetan Osan Um Biliaun ne’ebe hetan aprovasaun husi Parlamentu Nasional “Veteranu Laiha RDTL Mos Laiha”.
Ba Jornalista radio Komunidade Maubisse mauloko Secretario Estado Assuntu Veteranus Julio da Conceição “Lro Messak” hateten katak;
“Tambasa mak veteranus labele iha direitu ba osan ne’e, Veteranus iha Direitu hodi hetan Osan Um Biliaun ne’ebe hetan aprovasaun husi Parlamentu Nasional tamba iha veteranus mak iha ukun-an “Veteranu Laiha RDTL Mos Laiha”, maske publiku kestiona konaba dezemvolvimentu maibe buat hotu lao hela, tau osan ba veteranus ne’e sala ka, se sala karik iha parte ne’ebe?, rajaun tamba ita nia inan aman sira balu ne’ebe hahu funu ne’e la hetan buat ida no balun hetan hela 4 a 7 e balun hetan hela 4 a 0, tamba ne’e mak Súa Excia Primeiru Ministro disidi hodi halo ida ne’e para aloka ba veteranus sira no aprova ona iha parlamentu nasional, tamba se la halo nune’e mak ita halo hela diskriminasaun ba inan aman sira ne’ebe uluk luta ne’e”. Haktuir Eis Assistente Rejiaun Quatro “Loro Messak”
Husu konaba juventude resistensia sira ne’ebe mak dala ruma sira nia participasaun maksimu iha resistensia ka funu, maibe iha berifiksaun dadus balun hetan hela 4 a 0 no balun hetan hela 4 a 7, karik lei fo dalan atu juventude resistensia sir abele mai hato’o pedidu, Secretario Estado Assuntu Veteranus Julio da Conceição “Loro Messak” hateten katak;
“Agora seidauk bele, maske ne’e direitu ema hotu nian, tamba agora sei focus hela ba dadus 2009 nian, liu tiha ida ne’e ita sei halo fali reberefikasaun ba sira ne’ebe simu hela osan 8 a 14 iha 2003 no 2005 nian, tamba ema balun uluk funu maibe hetan deit 4 a 0 no balun hetan deit 4 a 7 ida ne’e ita sei hare hodi hadia fali nune’e hare fila fali karik veteranus sira nia oan bele ba tuir tes iha PNTL ho F-FDTL ida ne’e ita hare hodi rekomenda, e mos bele rekomenda ba testin balu iha area saude nian”. Dehan “Loro Messak”
Secretario Estado Assuntu Veteranus Julio da Conceição “Loro Messak” ne’e rekonhecemos katak, buat at ida mak ba sira ne’ebe uluk la funu mas buka dalan hodi hetan 8 a 14 ka 15 a 19, ida ne’e mak problema ida ne’ebe ita sei halo reberefikasaun hodi husu uluk halo funu ho se, klandestina ho se, iha sa tinan, se ita fo karik ajudus ruma ba falintil entaun falintil ida ne’ebe, no ida ne’e aban bairu konselho veteranus mak sei halo ida ne’e maibe hetan orientasaun husi ministeriu…**
Jornalista : Natalino Mendonca
Editor : Joaquim Coutinho
