Racom Maubisse, 16/05/2022, Politika VIII Governu Konstitusional liu husi Ministeriu Assuntu veteranus no Secretariu Estado Assunto Veteranus nian mak sei kria politika no planu tuir instrusaun Primeiro Ministro nian finalize hotu dadus 2009 nian iha tinan ida ne’e, para ba oin governu foun hare buat seluk e buat ne’ebe tuan tenke halo hotu ona nomos planu ida seluk mak dadus uma lisan nian, jardin dos herois sira tenke halo hotu ona hodi halot restus mortais sira, bolus estudu ba veteranus nia oan sira, nomos orsamentu um biliaun ne’ebe aprova ona hodi hare sira sira 0 a 3 no 4 a 7, ho tan assuntu sira seluk.
Iha Intervista ba Radio Komunidade Maubisse Mauloko, Excia Secretario Estado Assunto Veteranus Julio da Conceição “Loro Messak” hateten katak;
“Antes assmu knar nudar Secretario Estado ba Assunto Veteranus, assume knar hanesan Presidente Konselho Veteranus Municipiu Ainaro, depois de ida ne’e hetan kontaktu husi Súa Excia Primeiro Ministro hodi mai assume knar nudar Secretario estado Assunto Veteranus iha VIII Governu Konstitusional, e fofoun hetan kontaktu no konvite Husi Súa Excia Primeiro Ministro, fofoun ne’e sente todan”. Dehan Sec. Estado Julio da Conceição
Maske “Loro Messa ” Fofoun sente todan ba kargu hanesan Secretario Estado Assunto Veteranus , maibe tuir nia katak agradece tamba bele hetan biban hodi mai assume pasta hanesan Secretariu Estado Assuntu Veteranus iha VIII Governu Konstitusional;
“ Tamba ho poder ne’be hau iha dadaun atu halo buat ruma ne’ebe bele halo, halo deit, tamba uluk ita iha hela ideias ruma atu halo maibe poder laiha, maibe agora iha ona puder saida mak ita bele halo halo deit, exemplu hansan orsamentu um biliaun de dolar ne’be sei hare ba sira ne’ebe 0 a 3 ho 4 a 7, e agora mai hau fatin mak foun maibe servisu mai hau la foun, tamba ha’u hanesan mos presidente Konselho Veteranus Municipiu Ainaro e mos uluk hanesan eis asistente rejiaun quarto nian”. Haktuir “Loro Messak”
Politika no planu Secretario estado Assuntu Veteranus iha tinan 2022 to’o 2023 mak sei halao aktividades sira ne’ebe tuir orientasaun Primeiro Ministro nian;
“Planu ne’be Secretario Estado Assunto Veteranus sei halo mak tuir instrusaun Súa Excia Primeiro Ministro nian katak tenke halo hotu dadus 2009 nian iha tinan ida ne’e, para ba oin governu foun hare buat seluk, e buat ne’ebe tuan tenke halo hotu ona, ida fali mak dadus uma lisan nian, jardin dos herois sira tenke halo hotu ona hodi halot restus mortais sira, bolus estudu ba veteranus nia oan sira, no ida seluk mak orsamentu um biliaun ne’ebe aprova ona hodi hare sira ne’ebe 0 a 3 no 4 a 7”. “Loro Messak” Subrinha
Hein katak ho Politika VIII Governu Konstitusional liu husi Ministeriu Assuntu veteranus no Secretariu Estado Assunto Veteranus nian sei bele kria politika no planu ne’ebe diak tuir instrusaun Primeiro Ministro nian nune’e bele finaliza hotu dadus 2009 nian iha tinan ida ne’e.**
Jornalista : Natalino Mendonca
Editor : Joaquim Coutinho
