Racom Maubisse (12/05/2022) Pedro da Costa Hanesan Responsabel Organizasaun Arte Ritual Santo António Suku Foho-Ailico Postu Administrativo Hato-Udo Municipio Ainaro, hateten ida ne’e iha aktividade limpeza Amizade ne’ebe maka partisipa husi Organizasaun Arte Marsiais no Ritual sira iha Sede Suku Foho -Ailico Kinta feira ne’e.

“Hau Kontenti la halimar tamba ne’e hau fó agradese ba hau nia Suku ho Organizasaun sira seluk hamutuk ho ami iha fatin ida ne’e. Ami dalan Santo António de Timor Leste tempu uluk ami nia problema iha tamba atu Liberta ba Rai ida ne’e,maibe iha tempu Ukunan ami nia problema laiha ami Timor-Oan tenki hamutuk hodi hadia Rai doben ida ne’e ba oin. Tamba ne’e husu ba Timor-Oan hotu Maun ho Alin husi Organizasaun hotu iha ne’ebe deit tenki hamutuk kria unidade hametin dame no paz ne’e dalan Santo António nia hakarak maka ida ne’e” Hateten Responsabel Organizasaun Arte Ritual Santo António de Timor Leste Suku Foho -Ailico Hato-Udo Pedro da Costa 12/05/2022.

Fatin hanesan Tuir Responsabel  Organizasaun Arte Ritual 77 Suku Foho – Ailico Fendi Adão hateten;

“Ami husi Arte Ritual 77 durante Etadu taka maibe agora loke ona iha ami nia Suku Foho-Ailico ida ne’e, ohin loron ami hamutuk hodi harí estabilidade. Tamba ami Arte Marsiais no Rituais iha tinan hirak ba kotuk ami la hamutuk maibe ohin ami hamutuk hodi hadia ami nia Suku ida ne’e, Rai ida ne’e no ba Nasaun ida ne’e” Tenik Responsabel Organizasaun Arte Ritual 77 12/05/2022.   

Organizasaun Arte Marsiais no Rituais ne’ebe maka hola parte iha Aktividade limpeja ne’e mai husi Organizasaun Arte Marsiais PSHT, KERA SAKTI, KORK, SERULING DEWATA,no Organizasaun Arte Ritual 77,inklui Organizasaun Arte Ritual Santo Atónio.

Aliende Eventu ida ne’e halao tamba inisiativa husi Autoridade Komunitaria Suku Foho-Ailico Hato-Udo Municipio Ainaro.

Jornalista                     Moises da Silva Magno

Editór                          Joaquim de Fátima Coutinho