Racom Maubisse 04/07/2022, Politika Oitavo Governu Konstitusional liu husi Ministeriu da Edukasaun Juventude e Desportu, Edukasaun Munisipiu Ainaro tau fatuk dahuluk ba Eskola EBF 1,2 Lases Tatiri-Hatubuilico, nune’e bele ajuda professores no alunus sira hodi bele halao ensino aprendizasen ho diak, tamba alunus sira mak future no espranca ba nasaun Timor Leste.
Ba Radio Komunidade Maubisse Mauloko, Direktor Edukasaun Municipiu Ainaro Oscar de Araujo Hatete katak;
“Iha tinan 2022 Governu liu husi Ministeriu da Edukasaun Konstrui Eskola Hamutuk 17, Inklui Pre-Eskolar Ida Iha Hatudu, Maibe Pending Hela Tanba Problema Rai, tamba ne’e tenki halo kanselamentu ou pending provisoriu hodi hein prosesu resultadu rai nian, e kuandu rai ne’e entrega ona husi komunidade ba eskola, pronto ita bele halo konstrusaun, no total orsamentu ne’ebe gasta ba EBF 1,2 Tatiri hamutuk $ 81.000 hodi halo konstrusaun ba sala de aula haat no toilet rua”.
Iha halao konstrusaun ba EBF 1,2 Tatiri Suco Mulo Hatobuilico, iha mos lamentasaun balun husi professores kontratadus sira konaba sira nia future, nune’e Responsabel maksimu edukasaun Municipiu Ainaro Oscar de Araujo hateten katak;
“Preokupasaun ba professor kontradu nain tolu no vuluntariu ida iha escolar refere nee preokupasaun ida ne’ebe pertinente teb-tebes ba ita hot-hotu, maibe depois de eleisaun segunda ronde ema politika sira nia planu trabalho estratejiku depois tama iha tekniku atu define ona ba estatuto kontratadu sira nian bele ba permanente ou professor sira voluntariu ba iha kontratadu infelismenete hetan deit 60% iha teritoriu Timor Leste”.
Iha Fatin Hanesan Adjunto Directora EBC 1,2,3 Aituto Rina Helena Mendonca Tilman Hateten mos katak;
“Eskola Tatiri Lases iha alunos 111 pessoas ho profesores nain 6, kontratadu nain 3 no voluntaria nain 2 no permanente nain 2, ida ne’e seidauk suficiente, tamba ne’e husi ministeriu da edukasaun atu hare situasaun ne’e”.
Nune’e mos Helena Mendonca Tilman hatutan liu tan katak, kondisaun escolar ne’ebe antes ne’e iha ona maibe nafatin hasoru problema iha tempu udan ho anin boot;
“Ami iha tia ona edifisiu ida, maibe tinan ba tinan anin sempre loke la seguru ba labarik sira iha tempu anin, agora ami hetan tan konstrusaun foun ida ami kontenti tebes tanba hanesan buat ida karik ho edificiu foun ne’e bele facilita ona ami, maibe husu nafatin atu ME ajuda nafatin ami nune’e ami bele halao aktividades ensinu aprendisazem ho diak.
Maske MEJD Liu Husi Direcotor Edukasaun Munisipiu Ainaro Tau ona Fatuk Dahuluk Ba Eskola EBF 1,2 Lases Tatiri-Hatubuilico, maibe ne’e seidauk suficiente, no husu atu hari tan edificiu foun iha tempu oin mai tan kada tinan alunus sempre aumenta, no husu ME atu prosesa professores kontratadu sir aba permanente no professores voluntariu sir aba kontratadu nune’e professores sir abele hanorin alunus sira ho responsabilidade, tamba alunus sira mka future no espranca ba nasaun.
Jornalista : Natalino Mendonca
Editor : Joaquim de Fatima
