Racom maubisse 26/03/2022, CVTL Municipiu Ainaro Fasilita Formasaun durante Loron Tolu Ba chefe Aldeia nain sia iha Suco Aituto no Komuniddade afetadu desastre naturais iha Suku Aituto Postu Maubisse Municipiu Ainaro.

Ba Radio Komunidade Maubisse Mauloko, Ko’ordenador CVTL Munisipiu Ainaro  Marito Da Cunha, hateten katak;

“Objektivu husi atividade nee oinsa atu esplora hanoin husi ita nia komunidade no autoridade komunitaria konaba dezastre, saude, meiu moris, bee no saneamentu, maibe ita sei esplora hanoin husi komunidade rasik, e atividade nee ita halo loron tolu  hahu husi Sabadu dia 26-28- de Marco 2022, iha suku rua mak hanesan no Suco Aituto kompostu husi aldeia sia, inklui mos suku Manelobas kompostu aldeia haat”.

Marito Da Cunha hatutan liu tan katak;

Aktividade ne’e halo tamba hetan kontribuisaun no partisipasaun maximu husi komunidade rasik, signifika sei fo benefisiu diak ba komunidade rasik, alende ne’e mos presija kontribusaun mai husi komunidade tanto joven feto no mane, nunee atividade ba oin implementa karik tenki lao ho diak, tamba ne’e ami nafatin preija autoridade sira atu motiva ita nia komunidade sira atu atividade bele lao diak too remata”.

Iha Fatin hanesan Xefe do Posto Administrativu de Maubisse Claudino Mendonca ne’ebe partisipa iha seremonia abertura CVTL nebe halao iha suco Aituto Maubisse haktuir mos katak;

“Programa ne’e atu dada bee husi Cruz Vermelha Munisipiu Ainaro ba komunidade iha suku Aituto, depois de formaaun nee hotu, sei tama ba programa fisika no programa bee mos ne’ebe sai mos hanesan necesidade bazika ba komunidade sira, no ida ne’e importante tebes ba ema nia moris lor-loron sei fo benefisiu ba komunidade aldeia suku Aituto nian, no programa ne’e nivel munisipiu Ainaro, maibe especial ba Postu Maubisse kobre suku rua Manelobas no Aituto”.

“Hanean xefe do postu hau nia rekomendasaun ba CVTL Munisispiu Ainaro, iha programa tuir mai bele kobre ba suku neen seluk nebe maka seidauk hetan programa nebe maka CVTL iha, tanba suku Horaquic hetan ba dala tolu programa CVTL nian ne’ebe maka iha ona  xefe suku xefe aldeia no komunidade sira atu serbisu hamutuk nune’e bele aselera programa bee mos nee lao ho susesu”.

Nune’e mos Iha  fatin hanesan Xefe Do Suku Aituto Maubisse, Antonio Mendonca Pacheco argumenta liu haktuir mos katak;

“Hanesan lideransa komunitariu orgulho ho programa nebe maka CVTL fasilita tamba ho programa be mos ne’ebe mak sei ofrece ba komunidade Suco Aituto importante tebes nune’e bele fo moris ba komunidade sira”. 

Chefe suco Aituto ne’e akresenta liu tan katak;

“Hanesan autoridade senti orgullo tanba husi cvtl mai halo ona dezenvolvimentu konaba bee no saneamentu buat lobuk ida maka sira sei koalia iha tinan haat nia laran implementa iha munisipiu Ainaro, liu-liu ba iha Postu Adminitrativu Maubisse, tamba ne’e hanesan autoridade senti kontenti tanab husi cvtl bele mai resolve ona dezempregu ba ita nia komunidade sira para bele ultrapassa ba iha bee mos”.

Partisipa iha seremonia abertura ba formasaun konaba Program Crus Vermelha de Timor Leste Munisipiu Ainaro ne’e maka lider komunitariu suku Aituto kompostu husi xefe aldeia nain sia delegada, elegadu, lia nain, joventude feto no mane.

Jornalista            Natalino Mendonca

Eitor                      Joaquim De Fatima