Racom Maubisse (18/03/2022) Sexta feira loron 18 fulan Marsu 2022,Secretariado Tékniku Administrasaun Eleitoral (STAE) Municipio Ainaro desloka ona Material Sensitivo ho la Sensitivo ba iha Sentru Votasaun 70 no estasaun de votu hamutuk 88 iha Municipio Ainaro.
Iha Seremonia deslokasaun ne’ebe maka halao iha Edifisiu STAE Municipio Ainaro ne’e Direktur STEAE Municipio Ainaro Francisco Bianco hateten, Husu ba iha Brigadista, Ofisial Supervisaun Eleitoral CNE, tanto ho Seguransa PNTL Municipio Ainaro atu kria kópersaun servisu ho diak iha kada Sentru Votasaun idak-idak hodi garante Prosesu Elisaun Prezidensial 2022-2027 iha Municipio Ainaro bele lao ho susesu.
“Iha Municipio Ainaro total Sentru Votasaun iha 70 Estasaun de Votu iha ne’e iha 88. Deslokasaun ida ne’e sei tó ba iha Sentru de Votasaun sira e husu nafatin mós ba parte Seguransa atu fó apoi másimu iha Sentru Votasaun atu asegura liu-liu ba iha prosesu tomak. Husu ba Ofisial Suprervisaun sira mós atu garantia nafatin prosesu tomak iha Sentru Votasaun. Hau nia Brigada sira mós hanesan husu ita bót sira atu kópera diak nafatin ho parte Seguransa ho Parte Ofisial Supervisaun sira atu núne’e iha prosesu tomak iha Sentru Votasaun ne’e bele lao ho diak ho susesu, husu dala ida tan ba ita bót sira priense akta karik keta halo foer halo mós didiak, tuir buat ne’ebe ke ami fó atu núne’e bele garante ita nia Elisaun ne’e lao ho diak no susesu” Hateten Direjente STAE Municipio Ainaro 18/03/2022.
Fatin hanesan Direktur Jeral Ministériu Adminstrasaun Estatal (MAE) Belarmino Filimeno Neves, ne’ebe marka mós nia Presenja iha Seremonia Deslokasaun ida ne’e iha Municipio Ainaro Afirma liu tan katak,Husu ba Orgaun Administrasaun Eleitoral STAE no CNE, atu servisu ho Imparsial no Neutralidade tuir lei sira ne’ebe Vigora ona, núne’e mós ba Fiskais husi Kandadatus sira.
“Iha Ainaro ita Komesa halo deslokasoens ba Ema, Matreais Sensitivus no la Sensitivus ba iha fatin Sentru Votasaun sira depois sei koloka mós ba iha Estasaun de Votu sira. Tamba ne’e husu ba maluk sira hotu premeiru ba Brigada sira Ofisial Eleitoral sira tanto husi STAE no mós CNE mai ita hot-hotu servisu ho Imparsial, servisu ho Neutralidade hatudu katak ita nia rai mós madurnu ona. Ba Ofisiais Eleitorais no mós Brigada tantu ba Fiskais sira hotu hau husu mai ita halao ita nia knár hot-hotu banati deit ba lei, e laos ba buat seluk, iha lei ne’e hakerek tia ona ba Fiskais sira katak iha akompaña prosesu tomak ba Votasaun ida ne’e ita bót sira tenki hatudu Imparsialidade hakarak kolabora no servisu hamutuk ho Fiskais husi Partidu sira seluk” Dehan Belarmino 18/03/2022.
Tamba ne’e Belarmino Kuntinua alerta nafatin ba iha Brigada no Ofisial Eleitoral sira ne’ebe maka kolokadu ona iha Sentru Votasaun sira atu hatudu Imparsialidade no Neutralidade durante Prosesu tomak. Ho fiar-an katak Polisia sei garante Segurasa Karik iha Individu balun halo asaun balun ne’ebe kontra regras durante prosesu tomak.
Entertanto iha Seremonia Lansamentu ba Deskolakasaun Matreal Sensitivo no la Sensitivo iha Municipio Ainaro lao diak, no hetan Apoiu Seguransa másimu husi Komandu PNTL Municipio Ainaro.
Jornalista Moises da Silva Magno
Editor Joaquim de Fátima Coutinho
