Racom Maubisse (10/03/2022) Kandidatu prezidente Repúblika (PR), ho numeru sorteu 13 ható kompremeisu Polítiku ne’e ba Komunidade Postu Administrativo Maubisse liu husi intervista ho Jornalista Radiu Komunidade Maubisse Kinta ne’e iha Studio Racom Maubisse.
“Se la manan ba hau ida ne’e prosesu demokrasia, se la manan hau senti manan nafatin tamba saida? Ita manan nafatin tamba núdar joven, núdar Amu Lulik hau foti desizaun ida atu fó. Demokrasia ne’e laos kestaun manan ka lakon mais kestaun ita ejerse ita nia direitu siviku” Dehan kandidatu Prezidente ne’e 10/03/2022.
Nia kuntinua fundamenta liu tan katak;
“Se hau manan buat ne’ebe hau hanoin atu hatudu ba ema hot-hotu maka hau sai bibi atan ba povu Timor mahein rai Timor, purque ida ne’e maka hau dehan núdar bibi atan hau lao iha oin atu hatudu dalan, e núdar bibi atan hau la iha klaran atu rona hau nia povu nia lian senti sira nia moris hanesan iha Evangelu dehan bibi ida kuandu lakon bibi atan husik 99 ne’e lao ba oin nia fila mai kotuk hetan tia nia lori ida ne’e. Kandidatu sira seluk la hatete hanesan ne’e” Dehan nia ba Jornalista RKMM 10/03/2022.
Aliende ida ne’e durante Intervista iha Studiu Radiu Komunidade Maubisse Mauloko hetan Seguransa másimu husi membru Polisia Nasional Timor Leste, observa mós husi Observador internasional hamutuk ho Comiçaão Nacional Elição (CNE)
Jornalista Moises da Silva Magno
Editor Joaquim de Fátima Coutinho
