Racom Maubisse, 17/02/2022- Guvernu liu husi Ministeriu Turismu Comercio e Industria Aloka Orsamentu $ 50,000.00 ba Loja do Povu iha Municipiu Ainaro, liu husi Diresaun Nasional do Komersio Interno nune’e iha dia 17 de Febreiro 2022, halao lansamentu estabelecimentu loja do povu iha Municipiu Ainaro, ho objektivu promove no fan produtu local liu husi loja do povu atu dezemvolve ekonomia komercio local, nasional ne’ebe rejiliente inklusivo diversifikadu no sustenbael, no loja do Povu ne’ebe estabelese iha Municipiu Ainaro hetan apoia fundus husi Ministerio Turismu Comersio Industria (MTCIA) liu husi orsamentu subvensoens pùblika.
Ba Radio Komunidade Mauloko, Direktora Comercio Industria Interna, Natalina Maria Amaral Da Costa Hateten, Lansa Loja do Povu ne’e foin primeira ita halao iha Munispiu Ainaro, no Guvernu aloka osan ba programa ne’e ho montante ($ 50,000.00) Cinquenta Mill.
“Objektivu lansa loja do povu ne’e atu akomula produtus lokais sira tau iha fatin ida ou loja ida atu nune’e ita nia grupu agrikultures sira ne’ebe maka kuda no laiha fatin atu grupu agrikultures sira bele tau iha fatin atu sira lori sira nia mprodutu ba entaun pliitika 80 governu konstituisional nian liu husi ministeriu comersio industria nian trasa programa ida ne’e hodi bele atende ba ita nia grupu agrikultores sira nebe’e iha produtu lokal sira atu nune’e hodi dejemvolve liu tan ita ekonomia rai laran”. hateten Direktora Comersio Industria Interna Natalina
Nia mos salienta tan katak; “orsamentu ne’ebe maka aprova ba programa ne’e, liu husi orsamentu geral do estadu 2020 nian ne’ebe maka aloka liu husi subensoens publikas ba iha estabelesementu ba loja do povu sira hotu iha timor laran tomak, No lansa loja do povu ne’e foin primeiru dahuluk iha Munisipiu Ainaro, no tuir mai sei lansa tan iha Munisipiu sira seluk, no orsamentu ne’ebe maka aloka mai iha kada loja do povu hamotuk cinquenta mill ($ 50,000.00) liu husi aitem suvensoen publikas nian”. dehan Natalina Ba Jornalista Radio Mauloko Maubisse.
MTCI la servisu mesak nafatin kopera servisu hamotuk ho Ministeri MAP no sekretaria Estado Coperativas atu enkoraja nafatin produktores sira atu nafatin badias kuda produtu lokal sira atu nune’e bele hariku no valorija ita nia produtu lokal sira bele dejemvolve liu tan iha ita nia ekonomia rai laran no mos bele lori ita nia produtu sira sai to ba iha merkadu internasional.
jornalista : Clementina Fàtima
Editor : Joaquim Coutinho
