Racom Maubisse, 4/2/22, Instituto Ciencia Religiojo Ou ICR aloka Estudante finalista nain tolu halao Estajio iha EBC Maubisse Villa durante fulan tolu tamba teoria sira hetan ona iha ICR, durante sira nia estudo no pratika tenke haloa iha escolar ne’ebe mak sira halao estajiu ba mak hanesan EBC Maubisse Villa.
Ba Radio Komunidade Maubisse Mauloko, Dosente akompanhador Natalino de Jesus haktuir katak;
“Ohin bazeia ba estudante nebe finalista husi ICR ne’ebe maka agora daudaun eleva ba Universidade Katolika Timorense, estudante ne’ebe maka finalista sira nain tolu nebe maka koloka iha EBC Maubisse Villa, ha’u mak hanesan akonpanhador ba iha sira nain tolu, e objektivu lori sira nain tolu mai enttrega hela ba Director da Eskola ohin simu diak los ohin lori sira mai iha eskola primeiru siklu ou terseiru silku atu halo sira nia estasiu fulan tolu iha eskola EBC Maubisse Villa, loos ne’e sira stajio fulan ne’en maibe tanba iha mudansa nune’e sira stajio iha fulan tolu deit hodi pratika ba iha teoria sira nebe maka simu iha Instituto de Siensia Relijiosa, no sira sei pratika fulan tolu iha fatin estajio ne’ebe sira stajio ba”.
Iha material espesifiku maka material relijiun moral nebe maka sira nia espesialidade duni durante sira eskola mos iha material rua ida ba iha pre sekundari, rua ba iha ensinu sekundaria agora daudaun nee sira mai iha pre-sekundaria ho EBC sira pratika kolia konaba moral I relijiaun, maibe lataka dalan ba material sira hanesan sidadania etika no material sira seluk antes nee sira aprende ona, tamba ne’e dosente akompanhador ne’e salient liu tan katak;
“Antes ne’e laos ida ne’e ba dala uluk maibe iha tinan hira liu ba ICR halo ona koperasaun ho EBC sira, maibe EBC ba dala uluk liu husi era nee ba iha eskola pre sekundaria katolika no mos sekundaria, entaun ita hakarak fo oportunidade ba sira seluk atu hanorin ba iha eskola ebc publiku, nebe ohin hau lori sira mai iha EBC Maubisse Villa”
Director ho professores sira entuziasmu simu no hein, e liafuane nebe rona husi director da eskola sira maka agradese tanba dosente bele akonpana sira mai hili ona fatin nebe maka instituto de siensia bele desafia. Tamba ne’e Dosente ne’e desafia ba estudante sira katak labele senti nakonu ba iha ne’eba, maibe koko pratika buat nebe diak ho fuan laran e labele baruk atu aprende nune’e bele tulun ita atu sai ema nebe diak serbi diak liutan ba fatin nebe ita serbi ba.
Jornalista : Natalino Mendonca
Editor : Joaquim Coutinho
