Racom Maubisse, 08/02/2022, Adm Maubisse Claudino Mendonça “Governo Liu Husi MCAE Apoiu Fos 844 Sakas Ba Kbiit Laek iha Suco Tolu mak hanesan Suco Manetu, Suco Maulau ho Suco Edi iha Posto Administrativo de Maubisse Municipiu Ainaro.

Ba Radio Komunidade Maubisse Mauloko, Adm Maubisse Claudino Mendonça “Governo Liu Husi MCAE Apoiu Fos 844 Sakas Ba Kbiit Laek iha Suco Tolu mak hanesan Suco Manetu, Suco Maulau ho Suco Edi, e Fos ne’ebe maka apoiu husi governu mai dadauk nee hodi distrbui ba benefisiariu kbiit laek iha Postu Administrative Maubisse, ne’ebe kompostu husi suku 9 no Aldeai 62, maibe ba dala uluk apoia ba Suco Tolu no tuir mai sei apoia mos ba suco ne’en seluk ho nia aldeia sira. Tamba ne’e Lideranca Maksimu Posto Administrativu de Maubisse ne’e haktuir katak;

“Apoiu ida nee iha tinan kotuk apoiu tia ona, maibe iha benefisiariu balu maka seidauk hetan, ne’ebe tinan ida ne’e hahu husi inisiu 2022 nee, responde ona ba benefisiariu sira nebe maka tinan kotuk la hetan iha Postu Administratvu Maubisse maibe tinan ida ne’e MCAE apoia fali mai fos ho sakas 844 hodi distribui ba benefisiariu sira”.

Antes ne’e Administrador Postu Adm Maubisse Claudino Mendonça simu ona telefone husi equipa ne’ebe maka akonpanha fos husi MCAE hodi distribui ba kbiit laek sira iha Postu Maubisse, tuir informasaun preliminariu  katak fos neebe mai dadaun sei distribui ba Suku Sia maibe fos balun sei iha dalan, tamba ne’e tuir Claudino Mendonca katak;

“Iha benefisiariu barak liu maka Suku Edi no Maulau maibe sira la temi suku ida ka rua maibe suku sia nee hetan hotu maibe atu hetan hotu ne’e bazeia ba lista nebe maka xefi suku sira foti, tanba nee ha’u (Administrador) husu ba xefi do suku sira atu lori mak lista ne’ebe ho naran kbi’it laek, e labele lulun hotu komunidade sira nia lista mai, ida ne’e mak baban kuandu falha xefi suku sira maka lori todan”.

Iha fatin hanesan Chefi do Suku Edi, Julio Mendonça, hatete katak;

“Atividade distribuisaun ne’ebe mak ohin halo iha Administrasaun Postu Maubisse, hanesan ita hotu hare katak fos ne’ebe mai distribui ne’e ba ema vulneravel hanesan faluk, kbiit, e laos ba ema hotu”.

Fos ne’ebe distribui kada ema ida hetan saka ida ho kilo 20, total kbiit laek Suku Maulau hamutuk 322 pessoas, Suco Manetu hamutuk 110 pessoas, no Suku Edi 121 pessoas, tamba ne’e Chefi suku ne’e apela ba benefisiariu sira katak mezmu apoiu husi governu  ne’e ki’ik, maibe bele tulun netik loron ida rua nian.

Nune’e mos representante Chefi Aldeia Lebululi Antonio do Rosario hateten;

“Ha’u nia parte senti kontenti tebes, tanba apoiu ne’ebe maka apoiu husi governu ba iha ha’u nia komunidade sira ne’ebe kbi’it laek iha tempu oras hanesan nee importante tebes tamba oras ne’e sira hasoru rai hamlaha”.

Tamba ne’e Chefe do Posto Maubisse hamutuk ho lidernca komunitariu siraa afoagradece ba Governu Central tamba bele apoia ona fos mai komunidade fulneravel iha Posto Administraivu de Maubisse, Municipiu Ainaro, hodi atende komunidade nia moris loron baluk, tamba agira tempu rai hamlaha.

Jornalista             : Natalino Mendonca

Editor                    : Joaquim Coutinho