Racom maubisse, 7/02/2022- Iha Tempu badak, Mahein Edukasaun Timor Leste São João Paulo II, Sei Vizita Municipiu Ainaro durante tinan ida, no vijita Ilas São João Paulo II tuir planu sei vijita Municipiu Ainaro iha loron 14 de Febreiru 2022, objektivu husi vijita Ilha São João Paulo II ne’e mak liu husi vijita refere bele hetan graca no bensaun husi São João Paulo ba kada escolar iha Municipiu Ainaro.
Ba Radio Komunidade Maubisse Mauloko, Direktur Edukasaun Munisipiu Ainaro Oscar de Araujo, hateten katak,
“Ministeriu da Edukasaun Foti São João Pulo II, hanesan mahein ba eskola sira, no objektivu husi Vijita São João II nian atu bele hetan bensaun no bele transforma Manorin nain sira sai hanesan masin rai nian no naroman mundo nian iha Mundo tomak particular iha Municipiu Ainaro, no durante halo halo vejita sei lao tuir eskola sira ne’ebe iha Ainaro”.
Director Edukasaun Municipiu Ainaro ne’e salienta liu tan katak;
“Santu Paulo II maka Santu ida ne’ebe fo bensaun ba iha rai Timor ida ne’e hodi hetan Ukun rasik-an tamba waihira nia mai halo vijita iha tinan 1989 Santu João Paulo II tau Ain iha Timor-Leste iha rai lulik Tasi Tolu, nia husik hela nia futar lia fuan “ Imi mak masin rai nian no naroman mundo nian” Timor la to’o tinan sanolu, hetan ukun rasik-an, tamba ne’e husi Ministeriu da Edukasaun foti nia hanesan Mahein ba Edukasaun nian”. Dehan Oscar ba Racom Mauloko iha nia knar fatin municipiu Ainaro”.
Lider maksimu edukasaun Municipiu Ainaro ne’e hatutan tan katak,
“Tinan ida ne’e Ilhas São João Pulo II sei hela ho Ami edukasaun sira liu-liu iha Edukasaun Munisipiu Ainaro, ho ida ne’e ami kontenti tamba hetan bensaun no bele transforma ami nia an no mos ami nia konhecimentu sai diak liu tan hanesan masin rai nian no naroman mundo nian, tamba ne’e ami senti Kontenti tamba ita nia Ilhas São João Pulo II bele mai hela ho ami durante tinan ida, nune’e bele hetan bensaun, no se lao vijita tuir eskola sira, e iha vijita ida ne’e hau fiar katak manorin sira bele sai hanesan naroman no masin ba ema hotu”.
Durante tina ida nia laran Ilhas São João Pulo II sei iha Munisipiu AInaro, se halo vejita tuir postu hat, hanesan Ainaro villa rasik, Maubisse, Hatu-odo, no Posto Hatobuilico no tuir eskola sira ne’ebe iha, tamba ne’e parte edukasaun halao ona preparasun hodi simu Ilhas São João Pulo II ne’ebe mak tuir horariu sei simu iha dia 14 de Febreiro 2022.
Jornalista : Clementina Fàtima Editor : Joaquim Co
