Rakom Mauloko 7/ 02/2022, ESTAE Municipiu Ainaro halo preparasaun Masimu Garante eleisaun sei lao ho susesu, tamba  loron 17 Marcu halao ona distribuisaun ba iha sentru votasaun sira.

Ba Radio komunidade Mauloko, Direktur ESTAE Munisipiu Ainaro, Francisco Bianco, haktuir katak ESTAE Ainaro halo ona preparasaun masimu, ba ekipamentus sira ne’ebe sei destribui iha dia 17 marco agora, tamba ne’e lideranca ESTAE ne’e husu atu parte hotu halo kooperasaun diak nune’e bele distribui ekipamentus no material sira konaba eleisaun nian ho diak no seguru, nune’e nia akresenta katak;

“Iha dia 17 de Macu ita sei halo distribuisaun ekipamnetus  sensetivu no non sensetivu sira hodi distribui ona ba sentru votasaun ne’ebe maka destaka iha Munisipiu Ainaro, no sentru votasaun ne’ebe maka iha Munispiu Ainaro total 70 no sentru vaotasaun hamutuk  iha 88 ba tinan ida ne’e iha Ainaro Aumenta tan sentru votasun 4 ida iha suku Ainaro Aldeia Sabagu-Lau, ida iha suku Cassa Aldeia Lakadoi, ida iha Suku Manutasi, no total ba sentru votasaun iha Munispiu Ainaro, hamutuk 88” Haktuir Bianco.

Alende ne’e nia mos hatutan katak Eleisaun presidensial nian ba tinan ida ne’e, iha Munispiu AInaro garante katak Sei lao ho susesu  tamba kopera Hamutuk ho linhas Ministeriais sira, ho nunee Bianco aprofunda liu tan katak;

“ESTAE Municipiu Ainaro sempre garante lao susesu tamba iha koperasaun diak ho lihan Ministeriais sira iha Munispiu Ainaro, inklui mos Seguransa hanesan PNTL ne’ebe  maka destaka iha Munisipu AInaro”.

ESTAE Municipiu Ainaro halao reuniaun ho Administrador Munispiu Ainaro no linhas sektoriais Munispiu Ainaro ho objektivu atu husu apoiu atu bele transporta matrial sira antes eleisaun no depois de eleisaun to’o kontajem de votus no rejultadu votasaun.

Jornalista             : Clemetina Fàtima

Editor                    : Joaquim Coutinho