Racom Mauloko 6/02/2022- Komisario CNE  Dr. Alcino de Araujo Barrís, hateten CNE plano ona sei realiza seremonia Cultural iha Munisipio antes tama ba iha prosesu eleisaun Presidensial.

Objektivu husi realiza serermonia cultural ne’e atu husu matak malirin tuir tradisaun no kultura ne’ebe maka iha, e ne’e hanesan loke dalan ba iha eleisaun no bele lao ho susesu.

Ba Radio Komunidade Maubisse Mauloko, Komissariu CNE Alcino de Aaraujo Barrís hateten katak;

“Serimonia ritual ne’e inisitivu mai husiCNE, atu halo iha Munisipiu ida-idak, no nia objektivu atu husu matak malirin, tuir ita nia tradisaun hanesan loke dalan ida para iha eleisaun presidensial karik atu akontese buat ruma, hanesan sai fali  impedementu ruma hodi halo presuizu ba  iha prosesu eleisaun Prejidensial 2022-2027 nian “. Dehan Baris ba jornalista Racom Maubisse

Nia salenta tan katak iha momentu seremonia ida ne’e hanesan momentu oportunu ida atu komvoka nasaun nia intendementu ba ema ho entidades oin-oin atu oinsa sira bele kolabora ho masimu atu nune’e eleisaun ne’e bele susesu.

Komisariu CNE ne’e mos hatutan tan katak “Serimonia ritual ne’e hanesan Forsa maior ida husu espritu atu nune’e labele mosu naksalak nebe’e maka atu mosu mai, alende natureza e nomos husu husi parte komvensaun sira nian, atu bele asegura katak eleisaun ne’e tenki lao ho diak”.

Iha Munisipiu Ainaro halao seremonia ritual ne’e ba dala rua no  tuir nia observasaun durante iha prosesu halao eleisaun lao ho suseu tebes no laiha akontese buat ruma no desturbiu ruma, no partisipa iha  serimonia kultural ne’e autoridade lokal munisipio Ainaro nian no Toko Adat sira hotu mai husi postu hat (4) ne’e, maka sei halo seremonia ritual ne’e, konsedera hanesan juramentu ida atu nune’e bale garante iha prosesu elelisaun presidensial ne’e labele akontese desturbiu ruma iha rai laran espesial liu iha municipiu Ainaro.

Jornalista         : Clementina Fàtima

Editor               : Joaquim Coutinho