Racom Maubisse (07/02/2022) Reprejenta Administrador PostuAdministrativo Hato-Udo,  Carmelito da Costa Neves ható lia hirak ne’e iha Abertura ba aktividade Edukasaun Sívika ne’ebe Organiza husi Comisaun Nasional Elisaun CNE Segunda Feira ne’e iha Aimerleu Suku Leo-Lima Postu Administrativo Hato-udo.

Reprejentante Administrador Postu ne’e hateten;

” Hakarak hatete mós núdar Sidadaun ida diak tenki partisipa iha Prosesu sira hanesan ne’e liu-liu CNE nian para atu bele hatene funsaun CNE, Prosesu Kampaña Eleitoral. Ida ne’e maka hanesan Sidadaun Tenki Komprende didiak wainhira moris iha Nasaun ida liu husi ida ne’e bele halo reklamasaun mós ninia prosesu sira ita bót sira hatene, se ita la hatene maka ita bele halo kritika, reklamasaun ema bele dehan ne’e soke moru” Hateten Reprejentante Administrador Postu Hato-Udo Municipio Ainaro 07/02/2022.

Biban ida ne’e mós Komisariu CNE Alcino de Araújo Barris fundamenta liu tan kona ba aktividade Edukasaun Sívika ne’ebe maka halao dadaun ne’e atu motiva Sidadaun sira bele ba Vota no ida ne’e maka Papele CNE nian.

“Ita nia hasoru malu ne’e  nia objetivo maka ida ne’e Elisaun ida iha hela ita nia oin maka Presidensial. Prekupasaun ida seluk maka ita bót sira nia esforsu tomak atu partisipa iha Votasaun. CNE nia Papel maka ne’e mai Motiva para ita bót sira ba Vota. Elisaun hotu tia ami bele hatene iha Suku Leo-Lima nian  tasa partisipasaun ne’e oinsa, sa’e ka nafatin ka tun   fali, se sa’e entau Edukasaun Sívika ida ohin iha fatin ida ne’e mós Ajuda hanesan ohin Reprejentante Administrador Postu Hato-Udo hateten ita hotu nia partisipasaun no Involvementu maka ita bele hetan rejultadu ida ke ita hotu hakarak” Hatutan Komisariu CNE 07/02/2022.

 Jornalista                    : Moises da Silva Magno

Editor                          : Racom Maubisse Mau-Loko