Racom Maubisse, 03/02/2022, Ho Situasaun politika agora ne’ebe lao hela iha rai laran relasiona ho kandidatura sira nebe posibel hodi kandidataan ba presidensia da republica period 2022-2027, biban tuir mai jornalista Clementina de Fatima, hakbesik-an ba knar fatin Komissariu CNE Dr. Alcino de Araujo Barris hodi halo intervista escluciva ida konaba Karik iha eleisaun agora Presidente da Republica eleitu ona ho situasaun ida Parlamento Nasional sei konsidera illegal nee, se los mak sei fo pose ba Presidente da Republica foun.
Tamba ne’e biban tuir mai eleitor sir aka le’e nain sir abele le’e intervista ho resposta kompletu hamutuk deit ho belun jornalista Clementina de Fatima hodi hatene klean komenatriu sira husi Sr. Dr. Alcino de Araujo Barris.
Karik iha eleisaun agora Presidente da Republica eleitu ona ho situasaun ida Parlamento Nasional sei konsidera illegal nee, se los mak sei fo pose ba Presidente da Republica foun?
Hatan ba pergunta ne’e Comissario CNE Alcino de Araujo Barris haktuir katak, ,iha komentarios balun hateten dehan katak Presidente Parlamento Nasional ne’e sei labele fo posse ba Presidente da Republica foun eleito tamba konstitui Presidente Parlamento Nasional Dr.Aniceto Guterres ne’e via disturbus no asalto poder Presidente Parlamento Nasional anterior. Maibe tuir Comissario CNE Dr. Alcino de Araujo Baris nia hanoin maske iha komentarios publik hanesan ne’e, maibe se rekore ba Rejimentu Parlamento Nasional nian no 1/2016 katak antes de promove Presidente Parlamento Nasional Dr.Aniceto Guterres hanesan substitutu ba Presidente Dr.Arão Noe, sira kumpri rejimementu temi iha leten katak proponente atu hato’o substituisaun ne’e tenki ema minimu nain 10 no maximo ema nain 20 no ikus mai tenki aprova ho maioria deputado em funsaun Plenaria Parlamento Nasional. Situasaun ne’e akontese dunik no Presidente Parlamento Nasional Dr.Aniceto Guterres hetan votus afavor ba nia 40 votus konsidera maiorio absoluta. Tuir Rejimentu, Dr.Aniceto Guterres hili hanesan Presidente Parlamento Nasional nia komplementa mandato lejislatura ne’ebe hahu kedas husi Dr. Arão Noe. Tamba ne’e, nia iha kompetensia atu bele fo tomada de posse ba Presidente da Republica eleito 2022 tuir prosedimentu Parlamento Nasional.
Situasaun seluk maka atu hatene husi Sr.Comissario Dr. Alcino de Araujo Baris, nia hanoin kona ba iha tren viral los iha publico katak Presidente eleito foun ne’ebe promovido husi Partido CNRT katak bainhira eleito, sei desolve Parlamento Nasional, oinsa ho Comissario nia hanoin hanesan materia da Edukasaun Sivika ne’ebe fahe ba eleitor sira?
Comissario ne’e hatan katak propaganda politika bele apresia saida deit maibe tenki mos hare ba Konstituisaun-RDTL no Lei sira karik fo kompetensia hanesan ba Presidente da Republica, tuir artigo 85 Konstituisaun-RDTL Presidente da Republica molok hola desijaun ruma tenki hein proposta husi Governo no aprovasaun husi Parlamento Nasional. Tuir artigo 86 Konstituisaun-RDTL Presidente da Republica bele desolve Parlamento Nasional wainhira iha krize institusional katak partido mais votado la konsege forma Governo no hetan apoio votus maioria husi deputado hafoin loron 60 siknifika programa no orsamento la pasa iha Parlamento Nasional ne’e mak hanaran krize institusional. Maibe tuir Sr.Comissario ne’e, karik hamosu krize ruma tuir public sira nia komentario Comissario ne’e hateten ba situasuan ne’e katak ida (1) ne’e tenki tribunal de Recurso mak deside nudar solusaun laos Presidente da Republica. Hatan konkretamete ba situasaun ne’e, hanesan Presidente da Republica la fo Tomada de Pose ba membros Governo sob proposta Primeiro Ministro eh reativa fali Primeiro Ministro maske nia husu desmisaun so Tribunal mak bele halo desijaun laos Presidente da Republica.
Jornalista : Clementina Fàtima
Editor : Joaquim Coutinho
