Racom Maubisse (10/01/2022) Premeiru Ministru (PM) Jeneral Taur Matan Ruak hateten, lia hirak ne’e iha Diálogu ho nia tema importante  ” Haforsa Reziliensia Nasaun Nian”, iha Salaun Parokial Municipio Ainaro Segunda feira ne’e.  Alende  ida ne’e  hodi fahe informasaun ba Autoridade Municipio , Autoridade Komunitaria inklui Komunidade sira  kona ba Progresu no no dezafius ne’ebe VIII  Governu Konstitusional hasoru.

 Iha Oportunidade ida ne’e mos ható mensajen Premeiru Ministru nian  ba Autoridade Municipal Inklui Autoridade Komunitaria Sira atu servisu hamutuk hodi fo Susesu  iha Elisaun Presidensial iha Tinan ida ne’e.

“Hanesan Premeiru Ministru Vizita ita bót sira tamba hanesan ita bót sira hatene falta deit tinan ida mandatu Governu ida ne’e hotu. Objetivo saida maka iha hau nia vizita ida ne’e hakarak atinji Topik bót ne’ebe ami lori maka Reforsa Reziliensia Nasaun nian hodi Infrenta dezafius sira ou hakbi’it ita nia-an pra infrenta dezafius sira . Dezafius hot-hotu ne’ebe mosu iha ita nia oin, obstaklu hot-hotu nia la bele sai fator ida ke fila ita sai nia atan, nia sai fator ida motiva ita diak liu fo forsa ba ita makas liu tan para ita infrenta situasaun sira. Se ita bót sira hare ita nia Istoria ezatamente ita nia Istoria hanesan ne’e, Ukun-an mehi ida husi Jerasaun ba Jarasaun Portuges ukun ita tinan 450 Indonesia Okupa ita nia rai tina 24 finalmente ita hetan Ukun-an maibe Ukun-an ida ne’e lori ema Rihun Atus Rua maka lori Sosa, entau ita nia Istoria hanorin ita  ida ne’e” Hateten PM Taur Matan Ruak iha Salaun Parokial Municipio Ainaro 10/01/2022.

Entertanto Diálogu ida ne’e iha Municipio Partisipasaun Masimu tebes husi Autoridade Lokal Municipio Ainaro, Autoridade Komuninataria, Direktores Liñas Ministeriais Municipio Ainaro hamutuk ho Komunidade Sira.

Jornalista                     : Moises da Silva Magno

Editor                          : Racom Maubisse Mau-Loko