Racom Maubisse, Kinta-feira, 12-01-2022, Fundasaun nafofila fasilita formasaun ba foinsa’e nain lima nulu iha munisípiu ainaro, hodi hasa’e partisipasaun adulsente ba labarik feto, hodi bele reduz problema kaben sedu no isin rua sedu.

Fundasaun Nafofila Fasilita formasaun ba foinsa’e feto no mane nain lima nulu husi postu administrativu Hatu-builiku no postu Ainaro vila munisípiu ainaro ho tema oinsá atu hasa’e partisipasaun adulsente ba labarik feto, hodi bele reduz problema kaben sedu no isin rua sedu iha munisípiu Ainaro.

Ba Radio Komunidade Maubisse Mauloko, Hermenegildo de Andrade hateten katak, objetivu prinsipal husi formasaun ida ne’e mak oinsa atu minimiza problema kaben sedu no isin rua sedu iha munisípiu Ainaro, no formasaun ida ne’e mós oinsá atu hasa’e kuñesimentu ba foinsa’e sira bele hala’o prevensaun ba sira nia áan rasik husi isin rua sedu no kaben sedu.

Entretantu formasaun ida ne’e hala’o tamba iha kooperasaun entre FUNDASAUN NAFOFILA ho Plan Internasionál Timor Leste no formasaun ida ne’e tuir planu tinan ida sei hala’o formasaun dala hát iha Munisípiu Ainaro.

Jornalista            : Natalino Mndonca

Editor                    : Joaquim Coutinho