Racom Maubisse (22/12/2021) Estájiu ida ne’e hanesan estájiu komunitaria ne’ebe halao durante fulan rua ho balun iha Postu administrativo Maubisse Municipio Ainaro. Ne’ebe halao iha Suku Maubisse villa Aldeia Villa, Hatufae, Liketei no Hato-Luli. Suku Horaiquik iha Aldeia Coruto no Lauheli. Inklui iha Suku Aituto iha Aldeia Airaka-Lau ho Lihintuto Maubisse.

Ba Jornalista Radio Komunidade Maubisse Mau-Loko Ermelinda da Costa Monteiru hanesan Direktora Eskola Suoerior Parteira Reprejenta Fakuldade Universidade Nasional Timor Lorosa’e Hateten;

“Aktividade ohin nian ne’e enseramentu ba Estájiu Komunitaria husi Eskola Superior de Parteira ne’ebe finalija ona sira estudu, durante sira mai iha ne’e fulan rua resin” Dehan Ermilinda ba RKMM 22/12/2021.

Ermelinda klarifika liu tan katak; ” Sira mai prátika iha ne’e atu foti dadus ne’ebe maka komunidade sira infrenta. Maka hanesan iha Maubisse ne’e iha grupu rua Aldeia 4, iha Suku Horaiquik Aldeia 2 no iha Suku Aituto Aldeia 2″  Nia fundamenta.

Fatin hanesan Cristina Merita Cardosu hanesan Koordenadora Estájiados iha Maubisse hateten Agradese ba Autoridade Lokal no Komunidade sira nia kooperasaun durante Fula rua  iha Postu Administrativo Maubisse Municipio Ainaro.

“Ami durante fulan 2 iha ne’e ami senti kontenti ho komunidade no Autoridade lokal sira simu ami durante ne’e. Ami mos eprensia ho komunidade sira durante fulan rua semana rua iha ne’e no ohin hanesan loron ikus ba ami nia hamutuk ho komunidade sira iha Maubisse. Tamba ne’e ami hakarak agradese ba ita bo’ot sira laran luak, ita bo’ot sira nia domin ne’ebe maka durante ami senti iha Esájiu komunitaria ida ne’e” Hateten Koordenadora Estájiadus iha Postu Maubisse Municipio Ainaro.

Jornalista         : Moises da Silva Magno

Editor  : Racom Maubisse