Racom Maubisse, (26/11/2021) Xefe Suku Maulau Postu Administrativo Maubisse Municipio Ainaro ható informasaun ne’e ba Jornalista Radio Komunidade Maubisse Mau-Loko liu husi intervista, wainhira Partisipa iha Seremonia entrega Projetu Konstrusaun Eskola Sekundaria Tékniku Vokasional Agrikola Bermoli husi Kompañia Arlei Henlice ba Autoridade máximu Municipio Ainaro sexta feira foin lalais ne’e. Xefe Suku hateten,

“Ministériu Administrasaun Estatal nia planu ne’ebe maka diak oinsa hare liu ba ema sira ne’ebe maka Kbi’it Laek iha Suku Maulau. Ne’ebe liu husi Programa PNDS Suku ida halo uma tolu liu-liu hare ba ema sira ne’ebe maka Kbi’t Laek agora dadaun nia prosesu de konstrusaun lao hela ita bele dehan katak agora ne’e 50% tia ona, sira halo uma tolu ne’e iha Aldeia Tarabula” Afirma Domingos Mendonça ba RKMM 26/11/2021.

Entertanto tuir informasaun ne’e maka Radio Komunidade Maubisse Mau-Loko Asesu katak tinan ne’e uma ba ema Kbi’it laek iha Municipio Ainaro hamutuk 63, ho montante 1.2 Miloens Dolares Amerikanu.

Jornalista         :Natalino Mendonça

Editor              :Moises da Silva Magno