Racom Maubisse, (26/11/2021) Autoridade Máximu Municipio Ainaro  ható mensajen ne’e liu husi intervista, hafoin de Simu Xave no termus de entrega ba finalizasaun  Konstrusaun Edefisiu eskola Sekundari Tékniku Vokasional Agrikola (ESTVA) Suku Maulau husi Kompañia Arlei Henlice Unip.Lda Sexta feira ne’e.

“Hau hakarak husik hela mensajen liu-liu ba Suku Maulau kuida eskola ne’ebe diak ona ne’e, fo hanoin mos ba Komunidade sira fo mos informasaun ne’e  ba ita nia oan sira ne’ebe utiliza eskola ida ne’e ho diak. Hakarak atu fó hanoin mos katak futuru mai bele realija mos projetu seluk iha Suku Maulau ne’e” Hameno Administrador Municipio ba Komunidade Suku Maulau Maubisse 26/11/2021.

Entertanto Eskola ne’e kompleta ho sala 6 inklui haris fatin ba estudante feto no mane ketak-ketak. Total Estudante iha eskola ESTVA Maulau ba oras ne’e dadaun kuaje Atus rua Resin.

Jornalista         :Natalino Mendonça

Editor              :Moises da Silva Magno